Sybailas jemqorlyqqa qarsy jahandyq Transparency International qozǵalysy 2020 jylǵy Jemqorlyqty qabyldaý indeksin (CPI) jariialady, dep habarlaidy "Ult aqparat".
Biyl jahandyq zertteý jumystary retinde densaýlyq saqtaý júiesine jemqorlyqtyń áseri men COVID-19 pandemiiasy aiasynda memleketterdegi demokratiialyq qaǵidattardyń buzylýyn zerdeleýge basa mán bergen.
«2020 jyldyń qorytyndysy boiynsha Qazaqstan 38 upai jinap, 94-shi orynnan kórindi. Bul orynnyń qatarynda Braziliia, Efiopiia, Perý, Serbiia, Shri-Lanka, Sýrinam men Tanzaniia bar. Qazaqstanǵa burynǵydai negizgi 9 baǵyt boiynsha baǵa berildi. Tórt birdei reitingte agenttik sarapshylary elde qabyldanyp jatqan sharalarǵa oń baǵasyn berse, qalǵan beseýi burynǵy baǵasyn qaldyrdy» delingen Transparency International habarlamasynda.
Bul reitingtiń basynda Daniia men Jańa Zelandiia tur.
Qos memleketke sarapshylar 88 upai beripti. Al sońǵy oryndardan 14, 12, 12 upai alǵan Siriia, Somali men Ońtústik Sýdan kóringen.
Reitingtegi aitarlyqtai oń ósim 26 memlekette baiqalady. Onyń qatarynda Ekvador (+39), Grekiia (+50), Gaiana (+41), Mianma (+28) men Koreia (+61) bar.
Al 22 memlekettiń reitingi tómenge quldilapty.
Onyń ishinde Bosniia men Gertsegovina (-35), Gvatemala (-25), Livan (-25), Malavi (-30), Malta (-53) men Polsha (-56) tur.
