سىبايلاس جەمقورلىققا قارسى جاھاندىق Transparency International قوزعالىسى 2020 جىلعى جەمقورلىقتى قابىلداۋ يندەكسٸن (CPI) جارييالادى, دەپ حابارلايدى "ۇلت اقپارات".
بيىل جاھاندىق زەرتتەۋ جۇمىستارى رەتٸندە دەنساۋلىق ساقتاۋ جٷيەسٸنە جەمقورلىقتىڭ ەسەرٸ مەن COVID-19 پاندەميياسى اياسىندا مەملەكەتتەردەگٸ دەموكراتييالىق قاعيداتتاردىڭ بۇزىلۋىن زەردەلەۋگە باسا مەن بەرگەن.
«2020 جىلدىڭ قورىتىندىسى بويىنشا قازاقستان 38 ۇپاي جيناپ, 94-شٸ ورىننان كٶرٸندٸ. بۇل ورىننىڭ قاتارىندا برازيلييا, ەفيوپييا, پەرۋ, سەربييا, شري-لانكا, سۋرينام مەن تانزانييا بار. قازاقستانعا بۇرىنعىداي نەگٸزگٸ 9 باعىت بويىنشا باعا بەرٸلدٸ. تٶرت بٸردەي رەيتينگتە اگەنتتٸك ساراپشىلارى ەلدە قابىلدانىپ جاتقان شارالارعا وڭ باعاسىن بەرسە, قالعان بەسەۋٸ بۇرىنعى باعاسىن قالدىردى» دەلٸنگەن Transparency International حابارلاماسىندا.
بۇل رەيتينگتٸڭ باسىندا دانييا مەن جاڭا زەلاندييا تۇر.
قوس مەملەكەتكە ساراپشىلار 88 ۇپاي بەرٸپتٸ. ال سوڭعى ورىنداردان 14, 12, 12 ۇپاي العان سيرييا, سومالي مەن وڭتٷستٸك سۋدان كٶرٸنگەن.
رەيتينگتەگٸ ايتارلىقتاي وڭ ٶسٸم 26 مەملەكەتتە بايقالادى. ونىڭ قاتارىندا ەكۆادور (+39), گرەكييا (+50), گايانا (+41), ميانما (+28) مەن كورەيا (+61) بار.
ال 22 مەملەكەتتٸڭ رەيتينگٸ تٶمەنگە قۇلديلاپتى.
ونىڭ ٸشٸندە بوسنييا مەن گەرتسەگوۆينا (-35), گۆاتەمالا (-25), ليۆان (-25), مالاۆي (-30), مالتا (-53) مەن پولشا (-56) تۇر.
