Aqmola oblysynda sybailas jemqorlyqqa kúdikti retinde «Avitsenna» emdeý-aldyn alý mekemesiniń basshysy Janar Moldantaeva ustaldy, dep habarlaidy "Ult aqparat" oblystyq sottyń baspasóz qyzmetine silteme jasap.
Vedomstvonyń málimetinshe, Kókshetaý qalasynyń mamandandyrylǵan tergeý soty sýdiasynyń 2021 jylǵy 1 sáýirdegi qaýlysymen kúdikti Janar Moldantaevaǵa qatysty eki ai merzimge kúzetpen ustaý túrindegi bultartpaý sharasy sanktsiialandy.
«Sotqa deiingi tergeý organdary J.Moldantaevaǵa Qylmystyq kodekstiń 189 baby 4 bóliginiń 2 tarmaǵynda (asa iri mólsherde senip tapsyrylǵan bóten múlikti iemdený nemese ysyrap etý) kózdelgen qylmystyq quqyq buzýshylyq jasady degen kúdik keltirip otyr», - dep atap ótti vedomstvodan.
Qaýly Aqmola oblystyq sotynyń apelliatsiialyq alqasyna shaǵymdandy.
Aita keteiik, Aqmola oblysy densaýlyq saqtaý basqarmasynyń burynǵy basshysy Iliasov Sýlen ózine senip berilgen ózgeniń múlkin iemdený nemese shyǵyndaǵany úshin kúdikke alynǵan bolatyn. Kúdiktige qatysty 1 sáýirde eki ai merzimge kúzetpen ustaý túrindegi bultartpaý sharasy sanktsiialandy. Sot qaýlysyna apelliatsiialyq alqaǵa shaǵym jasaldy.
Vedomstvodan atap ótkendei, apelliatsiialyq isterdi qaraý búgingi kúnge taǵaiyndaldy. Kúdiktilerdiń ekeýi de bir baptan ótip, bir kúni qamaýǵa alyndy. Biraq bul eki másele bailanysty ma, joq pa, áli anyqtalǵan joq.
