اقمولا وبلىسىندا سىبايلاس جەمقورلىققا كٷدٸكتٸ رەتٸندە «اۆيتسەننا» ەمدەۋ-الدىن الۋ مەكەمەسٸنٸڭ باسشىسى جانار مولدانتاەۆا ۇستالدى, دەپ حابارلايدى "ۇلت اقپارات" وبلىستىق سوتتىڭ باسپاسٶز قىزمەتٸنە سٸلتەمە جاساپ.
ۆەدومستۆونىڭ مەلٸمەتٸنشە, كٶكشەتاۋ قالاسىنىڭ مامانداندىرىلعان تەرگەۋ سوتى سۋدياسىنىڭ 2021 جىلعى 1 سەۋٸردەگٸ قاۋلىسىمەن كٷدٸكتٸ جانار مولدانتاەۆاعا قاتىستى ەكٸ اي مەرزٸمگە كٷزەتپەن ۇستاۋ تٷرٸندەگٸ بۇلتارتپاۋ شاراسى سانكتسييالاندى.
«سوتقا دەيٸنگٸ تەرگەۋ ورگاندارى ج.مولدانتاەۆاعا قىلمىستىق كودەكستٸڭ 189 بابى 4 بٶلٸگٸنٸڭ 2 تارماعىندا (اسا ٸرٸ مٶلشەردە سەنٸپ تاپسىرىلعان بٶتەن مٷلٸكتٸ يەمدەنۋ نەمەسە ىسىراپ ەتۋ) كٶزدەلگەن قىلمىستىق قۇقىق بۇزۋشىلىق جاسادى دەگەن كٷدٸك كەلتٸرٸپ وتىر», - دەپ اتاپ ٶتتٸ ۆەدومستۆودان.
قاۋلى اقمولا وبلىستىق سوتىنىڭ اپەللياتسييالىق القاسىنا شاعىمداندى.
ايتا كەتەيٸك, اقمولا وبلىسى دەنساۋلىق ساقتاۋ باسقارماسىنىڭ بۇرىنعى باسشىسى يلياسوۆ سۋلەن ٶزٸنە سەنٸپ بەرٸلگەن ٶزگەنٸڭ مٷلكٸن يەمدەنۋ نەمەسە شىعىنداعانى ٷشٸن كٷدٸككە الىنعان بولاتىن. كٷدٸكتٸگە قاتىستى 1 سەۋٸردە ەكٸ اي مەرزٸمگە كٷزەتپەن ۇستاۋ تٷرٸندەگٸ بۇلتارتپاۋ شاراسى سانكتسييالاندى. سوت قاۋلىسىنا اپەللياتسييالىق القاعا شاعىم جاسالدى.
ۆەدومستۆودان اتاپ ٶتكەندەي, اپەللياتسييالىق ٸستەردٸ قاراۋ بٷگٸنگٸ كٷنگە تاعايىندالدى. كٷدٸكتٸلەردٸڭ ەكەۋٸ دە بٸر باپتان ٶتٸپ, بٸر كٷنٸ قاماۋعا الىندى. بٸراق بۇل ەكٸ مەسەلە بايلانىستى ما, جوق پا, ەلٸ انىقتالعان جوق.
