Foto: ashyq derekkóz
2025 jylǵy jeltoqsan aiynda Qazaqstanda ailyq infliatsiia deńgeii 0,9 paiyzdy qurady, dep habarlaidy Ult.kz.
Bul kezeńde azyq-túlik taýarlarynyń baǵasy 1,2%, azyq-túlikke jatpaityn taýarlar 0,7%, al aqyly qyzmetter 0,6% qymbattaǵan.
Ótken aida apelsin baǵasy 2,6%, sábiz 2%, qant 1,3% tómendedi. Sondai-aq jumyrtqa baǵasy 0,1% arzandaǵan. Al kontsentrattalǵan sút 2,1%, qatty irimshik 1,8%, kókónis shyryndary 1,6% qymbattaǵan.
Jekelegen dári-dármekterdiń baǵasy tómendegen. Atap aitqanda, sýprastin – 18,5%, enap – 5,2%, kanefron – 1,4%, iodomarin men azitromitsin árqaisysy 0,9% arzandaǵan. Sonymen qatar avtomobilder 0,4%, elektr quraldary 0,9% arzandasa, smartfondar 0,9%, jeke gigiena taýarlary 1,1% qymbattaǵan.
Kommýnaldyq qyzmetter arasynda sý burý tarifteri 2,4%, al sýyq sý tarifteri 0,9% tómendegen. Bir ai ishinde taksi qyzmetteri 1,8%, monshaǵa barý 2,1%, kinoteatr qyzmetteri 2,9% qymbattaǵan.
2025 jyldyń qorytyndysy boiynsha jyldyq infliatsiia deńgeii 12,3% boldy. Jeltoqsanda azyq-túlik taýarlarynyń jyldyq ósimi 13,5%, azyq-túlikke jatpaityn taýarlar 11,1%, aqyly qyzmetter 12% deńgeiinde tirkelgen.
Jyldyq mánde qyzanaq baǵasy 7,9%, kúrish 4,8%, qiiar 4,7%, tátti burysh 2,7%, keptirilgen órik 2% tómendegen. Al júzim baǵasy 7,7%, kók shai 7,9% qymbattaǵan.
Azyq-túlikke jatpaityn taýarlar ishinde aiaq kiimge arnalǵan krem baǵasy 10,8%, santehnikalyq qospalaýysh 8,5%, elektr burǵysy 6,6% ósken.
Jyl ishinde turǵyn úi-kommýnaldyq qyzmetter salasynda sýyq sý tarifteri 13,1% tómendese, aiaq kiim jóndeý qyzmeti 10,1%, poshta qyzmetteri 8,9%, avtosaqtandyrý 6,5% qymbattaǵan.
Óńirler arasynda jyldyq infliatsiianyń eń tómen deńgeii Almaty qalasy men Qostanai oblysynda – 11,7%, sondai-aq Abai, Jambyl jáne Batys Qazaqstan oblystarynda – 11,8% deńgeiinde tirkeldi.
