Qaryzyn ótemegen burynǵy iesinen tárkilengen keshendi Eksimbank qaita satylymǵa qoidy, dep habarlaidy ult.kz.
Qonaev qalasynda, Qapshaǵai sý qoimasynyń jaǵalaýyna jaqyn ornalasqan kazino kesheni aýktsionǵa shyǵaryldy. e-Qazyna.kz platformasyndaǵy málimetke sáikes, nysannyń aýdany 5 122 sharshy metrden asady. Keshen quramynda kazino, meiramhana, qonaq úi jáne jer ýchaskeleri bar.
Múliktiń bastapqy baǵasy – 1,7 milliard teńge. Aýktsion 21 qazanǵa belgilengen.
Buǵan deiin keshen «Korrida Stil» JShS-ne tiesili bolǵan. 2011–2015 jyldary kompaniia nesie alyp, kazinony, jer ýchaskelerin jáne oiyn jabdyqtaryn kepilge qoiǵan. Qaryz ótelmegen soń, 2019 jyly sot kepil múlkin óndirip alý týraly sheshim shyǵardy.
2025 jyly keshendi 1,2 milliard teńgege satyp alýǵa kelisim jasalǵanymen, satyp alýshy tólemdi tolyq oryndamady. Ol tek 1 million teńge aýdarǵan.
2026 jylǵy 15 mamyrda kazino ǵimaraty men oǵan tiesili múlik 1,7 milliard teńgeden asatyn qaryzdy ishinara óteý esebinen «Qazaqstan Eksimbankiniń» taratý komissiiasyna berildi. Endi bank múlikti aýktsion arqyly satýǵa tyrysyp jatyr.
Eske salaiyq, Eksimbankti májbúrlep taratý týraly sot sheshimi 2019 jylǵy 17 qańtarda zańdy kúshine engen.
