Qazaqstandyq aktrisa Janel Maqajan áieldiń náziktigi men qaisarlyǵy, ana bolýdyń jaýapkershiligi týraly jazba jariialady, dep habarlaidy ult.kz.

Óner iesi áieldiń bolmysyn bir ǵana minezben sipattaý múmkin emes ekenin atap ótti. Onyń pikirinshe, ómirdegi ár jaǵdai áieldiń jańa qyryn tanytyp, birde náziktigin, endi birde tózimdiligi men batyldyǵyn alǵa shyǵarady.

Aktrisa óziniń de túrli sezimdi bastan keshiretinin jasyrmady.

"Keide ákemniń erke qyzy bolsam, endi bir sátte tórt balasyn ósirip otyrǵan qaisar anamyn, al keide jylap alyp, osaldyǵymdy kórsetýge erik beremin", – dep jazdy ol.

Janel Maqajan úshin názik bolý men qaisarlyq tanytý – bir-birine qaishy qasietter emes. Áiel keide ózin qorǵansyz sezinse de, qiyn sátte boiynan kútpegen kúsh taba alady.

"Menińshe, áieldiń naǵyz sulýlyǵy – barlyq bolmysyn qabyldai alýynda. Áieldiń qyryq jany bar dep osyny aitsa kerek", - dep túiindedi aktrisa.

Aita keteiik, Abai Asylhan burynǵy jarynyń málimdemesine jaýap berdi.

Janel Maqajan kim? 
 

Janel Maqajan - qazaqstandyq teatr jáne kino aktrisasy. Ol akter ári rejisser Timýr Maqajanovtyń qyzy. Ónerli otbasynda ósken Janel kórermenge otandyq filmder men telehikaialardaǵy rólderi arqyly tanylǵan.

Aktrisa «Balýan Sholaq», «Eriksiz áke», «Keiingi ómir» filmderine túsken.  Tórt balanyń anasy. Áleýmettik jelidegi paraqshasynda shyǵarmashylyǵymen qatar, bala tárbiesi, ana bolýdyń jaýapkershiligi jáne áieldiń ishki sezimderi týraly oi bólisedi.