فوتو: اشىق دەرەككٶز
2025 جىلعى جەلتوقسان ايىندا قازاقستاندا ايلىق ينفلياتسييا دەڭگەيٸ 0,9 پايىزدى قۇرادى, دەپ حابارلايدى Ult.kz.
بۇل كەزەڭدە ازىق-تٷلٸك تاۋارلارىنىڭ باعاسى 1,2%, ازىق-تٷلٸككە جاتپايتىن تاۋارلار 0,7%, ال اقىلى قىزمەتتەر 0,6% قىمباتتاعان.
ٶتكەن ايدا اپەلسين باعاسى 2,6%, سەبٸز 2%, قانت 1,3% تٶمەندەدٸ. سونداي-اق جۇمىرتقا باعاسى 0,1% ارزانداعان. ال كونتسەنتراتتالعان سٷت 2,1%, قاتتى ٸرٸمشٸك 1,8%, كٶكٶنٸس شىرىندارى 1,6% قىمباتتاعان.
جەكەلەگەن دەرٸ-دەرمەكتەردٸڭ باعاسى تٶمەندەگەن. اتاپ ايتقاندا, سۋپراستين – 18,5%, ەناپ – 5,2%, كانەفرون – 1,4%, يودومارين مەن ازيتروميتسين ەرقايسىسى 0,9% ارزانداعان. سونىمەن قاتار اۆتوموبيلدەر 0,4%, ەلەكتر قۇرالدارى 0,9% ارزانداسا, سمارتفوندار 0,9%, جەكە گيگيەنا تاۋارلارى 1,1% قىمباتتاعان.
كوممۋنالدىق قىزمەتتەر اراسىندا سۋ بۇرۋ تاريفتەرٸ 2,4%, ال سۋىق سۋ تاريفتەرٸ 0,9% تٶمەندەگەن. بٸر اي ٸشٸندە تاكسي قىزمەتتەرٸ 1,8%, مونشاعا بارۋ 2,1%, كينوتەاتر قىزمەتتەرٸ 2,9% قىمباتتاعان.
2025 جىلدىڭ قورىتىندىسى بويىنشا جىلدىق ينفلياتسييا دەڭگەيٸ 12,3% بولدى. جەلتوقساندا ازىق-تٷلٸك تاۋارلارىنىڭ جىلدىق ٶسٸمٸ 13,5%, ازىق-تٷلٸككە جاتپايتىن تاۋارلار 11,1%, اقىلى قىزمەتتەر 12% دەڭگەيٸندە تٸركەلگەن.
جىلدىق مەندە قىزاناق باعاسى 7,9%, كٷرٸش 4,8%, قييار 4,7%, تەتتٸ بۇرىش 2,7%, كەپتٸرٸلگەن ٶرٸك 2% تٶمەندەگەن. ال جٷزٸم باعاسى 7,7%, كٶك شاي 7,9% قىمباتتاعان.
ازىق-تٷلٸككە جاتپايتىن تاۋارلار ٸشٸندە اياق كيٸمگە ارنالعان كرەم باعاسى 10,8%, سانتەحنيكالىق قوسپالاۋىش 8,5%, ەلەكتر بۇرعىسى 6,6% ٶسكەن.
جىل ٸشٸندە تۇرعىن ٷي-كوممۋنالدىق قىزمەتتەر سالاسىندا سۋىق سۋ تاريفتەرٸ 13,1% تٶمەندەسە, اياق كيٸم جٶندەۋ قىزمەتٸ 10,1%, پوشتا قىزمەتتەرٸ 8,9%, اۆتوساقتاندىرۋ 6,5% قىمباتتاعان.
ٶڭٸرلەر اراسىندا جىلدىق ينفلياتسييانىڭ ەڭ تٶمەن دەڭگەيٸ الماتى قالاسى مەن قوستاناي وبلىسىندا – 11,7%, سونداي-اق اباي, جامبىل جەنە باتىس قازاقستان وبلىستارىندا – 11,8% دەڭگەيٸندە تٸركەلدٸ.
