«ەدٸلەت» پارتيياسى فراكتسيياسىنىڭ مٷشەسٸ, قۇرىلتاي دەپۋتاتى ايجان ايماعانوۆا ٸشكٸ ٸستەر مينيسترٸ ەرجان سەدەنوۆكە دەپۋتاتتىق ساۋال جولداپ, تۇرمىستىق زورلىق-زومبىلىقتىڭ الدىن الۋ ٷشٸن «ەلەكتروندىق قورعانىس ايماعى» پيلوتتىق جوباسىن ەنگٸزۋدٸ ۇسىندى, دەپ حابارلايدى ult.kz.
دەپۋتاتتىڭ ايتۋىنشا, سوڭعى جىلدارى قازاقستاندا ەيەلدەر مەن بالالاردى زورلىق-زومبىلىقتان قورعاۋ باعىتىندا بٸرقاتار شارا قابىلدانىپ, جاۋاپكەرشٸلٸك كٷشەيتٸلگەن. الايدا قايعىلى وقيعالار ەلٸ دە جالعاسىپ كەلەدٸ.
ول سوڭعى ايلاردا قوعامدى دٷر سٸلكٸندٸرگەن ەكٸ جاعدايدى مىسالعا كەلتٸردٸ. 13 شٸلدەدە اباي وبلىسىندا 20 جاستاعى ديلناز جۇماعۇلوۆا پىشاق جاراقاتتارىنان قازا تاپسا, 23 قىركٷيەكتە استانادا ەكٸ بالانىڭ اناسى جازيرا اداۋاوۆانى بۇرىنعى جۇبايى ٶلتٸرگەن.
وسىعان بايلانىستى دەپۋتات قولدانىستاعى قورعاۋ تەتٸكتەرٸ زورلىق-زومبىلىق بولعاننان كەيٸن عانا ەرەكەت ەتپەي, قاۋٸپتٸ الدىن الا انىقتاپ, ونىڭ جولىن كەسۋگە مٷمكٸندٸك بەرۋٸ كەرەك ەكەنٸن اتاپ ٶتتٸ.
ايجان ايماعانوۆا قانداي ۇسىنىستار ايتتى?
دەپۋتات ٸشكٸ ٸستەر مينيسترلٸگٸنە ٷش ۇسىنىس جولدادى:
- «ەلەكتروندىق قورعانىس ايماعى» پيلوتتىق جوباسى. جوبانى جەكەلەگەن ٶڭٸرلەردە ەزٸرلەپ, سىناقتان ٶتكٸزۋ;
- بٸرىڭعاي الگوريتم ەنگٸزۋ. قاۋٸپ تۋرالى بەلگٸ تٷسكەن كەزدە پوليتسييا قانداي شارالار قابىلداۋى كەرەكتٸگٸن ناقتى ايقىنداۋ;
- تسيفرلىق تٸركەۋ جٷيەسٸن قولدانۋ. ەربٸر قاۋٸپ سيگنالى مەن وعان بايلانىستى قابىلدانعان شارالاردى اۆتوماتتى تٷردە تٸركەپ, كٸمنٸڭ, قاشان جەنە قانداي ەرەكەت جاساعانىن باقىلاۋ.
دەپۋتاتتىڭ پٸكٸرٸنشە, بۇل ٷشٸن جاڭا ەرٸ قىمبات اقپاراتتىق جٷيە قۇرۋدىڭ قاجەتٸ جوق. قازاقستاندا پروفيلاكتيكالىق ەسەپكە الۋ مەن ەلەكتروندىق باقىلاۋدىڭ قاجەتتٸ تەتٸكتەرٸ بار.
ايجان ايماعانوۆا قولدا بار قۇقىقتىق جەنە تسيفرلىق مٷمكٸندٸكتەردٸ تيٸمدٸ پايدالانۋ ارقىلى قاۋٸپتٸ جاعدايلاردى دەر كەزٸندە انىقتاپ, ادام ٶمٸرٸ مەن قاۋٸپسٸزدٸگٸن قورعاۋعا شاقىردى.
