الماتىدا رۇقسات قۇجاتتارىنسىز سالىنعان «جەتٸسۋ-سەميرەچە» بازارىن بۇزۋ باستالدى. اۋماعى 56 مىڭ شارشى مەتردەن اساتىن نىسانعا قاتىستى سوت شەشٸمٸ شىققاننان كەيٸن مەنشٸك يەسٸ قۇرىلىستاردى ٶز كٷشٸمەن بۇزۋعا كٸرٸسكەن, دەپ حابارلايدى ult.kz.
الماتى قالاسى قالا قۇرىلىسىن باقىلاۋ باسقارماسىنىڭ مەلٸمەتٸنشە, تٷركسٸب اۋدانىنداعى قايرات شاعىناۋدانىندا ورنالاسقان بازاردى «ستاتۋس Construction» جشس تيٸستٸ رۇقسات قۇجاتتارىنسىز سالعان.
تەكسەرۋ نەتيجەسٸندە زاڭبۇزۋشىلىقتار انىقتالىپ, مەنشٸك يەسٸنە ولاردى جويۋ تۋرالى نۇسقاما بەرٸلگەن. الايدا بەلگٸلەنگەن تالاپتار ورىندالماعان. وسىدان كەيٸن باسقارما زاڭسىز نىسانداردى بۇزۋ تۋرالى تالاپ ارىزبەن الماتى قالاسىنىڭ مامانداندىرىلعان اۋدانارالىق ەكونوميكالىق سوتىنا جٷگٸنگەن.
الماتى قالالىق سوتى بٸرٸنشٸ ساتىداعى سوتتىڭ زاڭسىز نىسانداردى بۇزۋ تۋرالى شەشٸمٸن ٶزگەرٸسسٸز قالدىرعان. ٸس ماتەريالدارى سوت اكتٸسٸن ورىنداۋ ٷشٸن ەدٸلەت دەپارتامەنتٸنە جولدانعان.
باسقارمانىڭ حابارلاۋىنشا, سوت شەشٸمٸن ورىنداۋ ماقساتىندا بازاردىڭ مەنشٸك يەسٸ بۇزۋ جۇمىستارىن ٶز بەتٸنشە باستاعان.
وسىلايشا, تيٸستٸ رۇقساتسىز سالىنعانى انىقتالعان اۋقىمدى ساۋدا نىسانىن بۇزۋ پروتسەسٸ باستالدى. قازٸرگٸ ۋاقىتتا باسقارما ۇسىنعان اقپاراتتا جۇمىستاردىڭ اياقتالۋ مەرزٸمٸ ناقتىلانباعان.
