QR Parlamentiniń altynshy shaqyrylymy úshinshi sessiiasynyń ashylýynda sóz sóilegen Memleket basshysy jekemenshik bankterdi memleket esebinen qarjylandyrýdy doǵarý qajettigin aitty, dep habarlaidy "Ult aqparat".
«Bankterdiń barlyǵy da jekemenshik. Jumys istegenimen, jetekke alýǵa týra keletindei jaǵdaiǵa tústi. Endi memleket taǵy qarjylandyrýda. Muny toqtatý kerek, eń durysy bul bankterdi joiyp, olarǵa tólegenshe ózimizge alǵan jón. Ózi jumys istep, paida taýyp otyrǵan jekemenshikterdi biz ne úshin sýbsidiialaýǵa tiispiz? Qazir basqa júie. Barlyǵy da eger sen jekemenshik bolsań, onda tolyqtai óziń jaýap beretindigin túsiný qajet. Bankrot pa - onda bankrot, tiimdi jumys istei almaisyń degen sóz. Dál osy jolǵa túseiik. Óitkeni, bizde basqa jol joq», - dedi Nursultan Nazarbaev.
Aita keteiik, munan bólek Elbasy Nursultan Nazarbaev Ulttyq banktiń quzyretin aitarlyqtai keńeitýdi usynǵan bolatyn.
