قر پارلامەنتٸنٸڭ التىنشى شاقىرىلىمى ٷشٸنشٸ سەسسيياسىنىڭ اشىلۋىندا سٶز سٶيلەگەن مەملەكەت باسشىسى جەكەمەنشٸك بانكتەردٸ مەملەكەت ەسەبٸنەن قارجىلاندىرۋدى دوعارۋ قاجەتتٸگٸن ايتتى, دەپ حابارلايدى "ۇلت اقپارات".
«بانكتەردٸڭ بارلىعى دا جەكەمەنشٸك. جۇمىس ٸستەگەنٸمەن, جەتەككە الۋعا تۋرا كەلەتٸندەي جاعدايعا تٷستٸ. ەندٸ مەملەكەت تاعى قارجىلاندىرۋدا. مۇنى توقتاتۋ كەرەك, ەڭ دۇرىسى بۇل بانكتەردٸ جويىپ, ولارعا تٶلەگەنشە ٶزٸمٸزگە العان جٶن. ٶزٸ جۇمىس ٸستەپ, پايدا تاۋىپ وتىرعان جەكەمەنشٸكتەردٸ بٸز نە ٷشٸن سۋبسيدييالاۋعا تيٸسپٸز? قازٸر باسقا جٷيە. بارلىعى دا ەگەر سەن جەكەمەنشٸك بولساڭ, وندا تولىقتاي ٶزٸڭ جاۋاپ بەرەتٸندٸگٸن تٷسٸنۋ قاجەت. بانكروت پا - وندا بانكروت, تيٸمدٸ جۇمىس ٸستەي المايسىڭ دەگەن سٶز. دەل وسى جولعا تٷسەيٸك. ٶيتكەنٸ, بٸزدە باسقا جول جوق», - دەدٸ نۇرسۇلتان نازارباەۆ.
ايتا كەتەيٸك, مۇنان بٶلەك ەلباسى نۇرسۇلتان نازارباەۆ ۇلتتىق بانكتٸڭ قۇزىرەتٸن ايتارلىقتاي كەڭەيتۋدٸ ۇسىنعان بولاتىن.
