Qazaqstanda halyqty emhanaǵa tirkeý naýqany aiaqtaldy. Arnaiy kampaniia kezinde tirkelip úlgermegen azamattar ne isteidi? Olardyń emhana aýystyrýǵa múmkindigi bar ma?
«Naýqan aiaqtaldy. Biraq bul budan bylai emhana aýystyrýǵa múmkindik joq degen sóz emes. Ár azamattyń jylyna bir ret emhana aýystyrýǵa haqysy bar. Oǵan qosa, taǵy da birqatar jaǵdailarda basqa emhanaǵa aýysýǵa bolady. Máselen, basqa jerge qonys aýdarǵanda, burynǵy emhanasy jabylyp qalsa nemese qyzmet kórsetýdi toqtatsa, qaita uiymdastyrylsa, Meditsinalyq saqtandyrý qorymen kelisimshartty toqtatsa nemese belgili bir sebeptermen kontraktiden aiyrylyp qalsa, erikti meditsinalyq saqtandyrý polisin satyp alsa, jaqyn mańda jańa emhana salynsa, turǵylyqty jeri boiynsha emhanaǵa avtomatty túrde tirkep tastaǵan arnaiy komissiianyń sheshimimen kelispegen jaǵdaida basqa emhanaǵa aýysýǵa bolady», - deidi «Áleýmettik meditsinalyq saqtandyrý qory» KEAQ basqarýshy direktory Zabira Orazalieva.
Endeshe, emhana tańdaǵanda neni eskergen jón? Nelikten emhana úige jaqyn mańda bolýy kerek deimiz? Jedel járdem qandai jaǵdailarda keledi? Kómek keshigip jatsa ne isteý kerek? Onyń sebebi nede? Suraq kóp. Qarapaiym halyq biriniń jaýabyn bilse, ekinshisinen beihabar. Sondyqtan biz azamattarǵa meditsinaǵa qatysty quqyqtaryn qarapaiym tilmen túsindirip, mańyzdy degen suraqtardyń jaýaptaryn daiyndadyq. Mynaý – sonyń alǵashqysy.
