قازاقستاندا حالىقتى ەمحاناعا تٸركەۋ ناۋقانى اياقتالدى. ارنايى كامپانييا كەزٸندە تٸركەلٸپ ٷلگەرمەگەن ازاماتتار نە ٸستەيدٸ? ولاردىڭ ەمحانا اۋىستىرۋعا مٷمكٸندٸگٸ بار ما?
«ناۋقان اياقتالدى. بٸراق بۇل بۇدان بىلاي ەمحانا اۋىستىرۋعا مٷمكٸندٸك جوق دەگەن سٶز ەمەس. ەر ازاماتتىڭ جىلىنا بٸر رەت ەمحانا اۋىستىرۋعا حاقىسى بار. وعان قوسا, تاعى دا بٸرقاتار جاعدايلاردا باسقا ەمحاناعا اۋىسۋعا بولادى. مەسەلەن, باسقا جەرگە قونىس اۋدارعاندا, بۇرىنعى ەمحاناسى جابىلىپ قالسا نەمەسە قىزمەت كٶرسەتۋدٸ توقتاتسا, قايتا ۇيىمداستىرىلسا, مەديتسينالىق ساقتاندىرۋ قورىمەن كەلٸسٸمشارتتى توقتاتسا نەمەسە بەلگٸلٸ بٸر سەبەپتەرمەن كونتراكتٸدەن ايىرىلىپ قالسا, ەرٸكتٸ مەديتسينالىق ساقتاندىرۋ پوليسٸن ساتىپ السا, جاقىن ماڭدا جاڭا ەمحانا سالىنسا, تۇرعىلىقتى جەرٸ بويىنشا ەمحاناعا اۆتوماتتى تٷردە تٸركەپ تاستاعان ارنايى كوميسسييانىڭ شەشٸمٸمەن كەلٸسپەگەن جاعدايدا باسقا ەمحاناعا اۋىسۋعا بولادى», - دەيدٸ «ەلەۋمەتتٸك مەديتسينالىق ساقتاندىرۋ قورى» كەاق باسقارۋشى ديرەكتورى زابيرا ورازاليەۆا.
ەندەشە, ەمحانا تاڭداعاندا نەنٸ ەسكەرگەن جٶن? نەلٸكتەن ەمحانا ٷيگە جاقىن ماڭدا بولۋى كەرەك دەيمٸز? جەدەل جەردەم قانداي جاعدايلاردا كەلەدٸ? كٶمەك كەشٸگٸپ جاتسا نە ٸستەۋ كەرەك? ونىڭ سەبەبٸ نەدە? سۇراق كٶپ. قاراپايىم حالىق بٸرٸنٸڭ جاۋابىن بٸلسە, ەكٸنشٸسٸنەن بەيحابار. سوندىقتان بٸز ازاماتتارعا مەديتسيناعا قاتىستى قۇقىقتارىن قاراپايىم تٸلمەن تٷسٸندٸرٸپ, ماڭىزدى دەگەن سۇراقتاردىڭ جاۋاپتارىن دايىندادىق. مىناۋ – سونىڭ العاشقىسى.
