Jaiyq-Edil ózenderiniń ekojúiesin saqtaý halyqaralyq qoryn qurý máselesi talqylanýda. Bul jaiynda Májilis depýtattarynyń saýalyna orai QR Premer-Ministri Asqar Maminniń jaýabynda aitylǵan, dep habarlaidy "Ult aqparat".
«Jaiyq-Edil ózenderiniń ekojúiesin saqtaý halyqaralyq qoryn qurý máselesi Resei Federatsiiasynyń Tabiǵi resýrstar jáne ekologiia ministrliginiń ókilderimen talqylandy. Qordy qurý qarjy qarajatyn, sonymen qatar birlesip basqarý jáne baqylaý tetikterin ázirleýdi talap etetin bolǵandyqtan bul másele reseilik tarappen talqylanady», - dedi Asqar Mamin.
Úkimet basshysynyń atap ótýinshe, 2019 jyldyń qarashasynda Omby qalasynda Memleket basshylary deńgeiinde ótken Qazaqstan men Resei óńiraralyq yntymaqtastyǵynyń XVI forýmynda Jaiyq-Edil ózenderi basseinin saýyqtyrýdyń birlesken baǵdarlamasyn ázirleý týraly ýaǵdalastyqqa qol jetkizilgen. Dál osy baǵdarlamany ázirleý aiasynda Jaiyq ózeniniń alqabyna erekshe qorǵalatyn tabiǵi aýmaq belgileý máselesi qarastyrylady jáne bul másele baǵdarlamanyń sharalar tizilimine qosylǵan.
