جايىق-ەدٸل ٶزەندەرٸنٸڭ ەكوجٷيەسٸن ساقتاۋ حالىقارالىق قورىن قۇرۋ مەسەلەسٸ تالقىلانۋدا. بۇل جايىندا مەجٸلٸس دەپۋتاتتارىنىڭ ساۋالىنا وراي قر پرەمەر-مينيسترٸ اسقار ماميننٸڭ جاۋابىندا ايتىلعان, دەپ حابارلايدى "ۇلت اقپارات".
«جايىق-ەدٸل ٶزەندەرٸنٸڭ ەكوجٷيەسٸن ساقتاۋ حالىقارالىق قورىن قۇرۋ مەسەلەسٸ رەسەي فەدەراتسيياسىنىڭ تابيعي رەسۋرستار جەنە ەكولوگييا مينيسترلٸگٸنٸڭ ٶكٸلدەرٸمەن تالقىلاندى. قوردى قۇرۋ قارجى قاراجاتىن, سونىمەن قاتار بٸرلەسٸپ باسقارۋ جەنە باقىلاۋ تەتٸكتەرٸن ەزٸرلەۋدٸ تالاپ ەتەتٸن بولعاندىقتان بۇل مەسەلە رەسەيلٸك تاراپپەن تالقىلانادى», - دەدٸ اسقار مامين.
ٷكٸمەت باسشىسىنىڭ اتاپ ٶتۋٸنشە, 2019 جىلدىڭ قاراشاسىندا ومبى قالاسىندا مەملەكەت باسشىلارى دەڭگەيٸندە ٶتكەن قازاقستان مەن رەسەي ٶڭٸرارالىق ىنتىماقتاستىعىنىڭ XVI فورۋمىندا جايىق-ەدٸل ٶزەندەرٸ باسسەينٸن ساۋىقتىرۋدىڭ بٸرلەسكەن باعدارلاماسىن ەزٸرلەۋ تۋرالى ۋاعدالاستىققا قول جەتكٸزٸلگەن. دەل وسى باعدارلامانى ەزٸرلەۋ اياسىندا جايىق ٶزەنٸنٸڭ القابىنا ەرەكشە قورعالاتىن تابيعي اۋماق بەلگٸلەۋ مەسەلەسٸ قاراستىرىلادى جەنە بۇل مەسەلە باعدارلامانىڭ شارالار تٸزٸلٸمٸنە قوسىلعان.
