Qazaqstanda blogerlerdiń saiasi jarnamasyna qatysty talaptar kúsheitilýi múmkin. Májilis otyrysynda depýtattar sailaý úderisin jetildirýge baǵyttalǵan zańnamalyq ózgeristerdi birinshi oqylymda qarady, dep habarlaidy Ult.kz.
Talqylaý barysynda depýtat Nikita Shatalov blogerlerdiń jasyryn jarnama júrgizýine qatysty naqty mysal keltirdi. Onyń aitýynsha, keibir blogerler eshqandai kelisimshartsyz, biraq ashyq túrde partiia nemese kandidat múddesin nasihattaýy múmkin. Mundai áreketti qalai baǵalaý kerek degen suraq kóterildi.
Bul saýalǵa jaýap bergen Ortalyq sailaý komissiiasynyń hatshysy Shavqat Ótemisov bloger men kandidat nemese partiia arasynda resmi kelisim bolmasa da, mundai áreket jasyryn úgit-nasihat retinde qarastyrylýy yqtimal ekenin aitty.
Onyń sózinshe, jazbasha kelisimsharttyń bolmaýy jaýapkershilikten bosatpaidy. Kerisinshe, bul Ákimshilik quqyq buzýshylyq týraly kodekstiń 118-baby aiasynda jaýapqa tartýǵa negiz bolýy múmkin.
Sondai-aq Ótemisov blogerler buryn sailaý naýqandary kezinde belgili bir kandidatpen nemese partiiamen resmi jumys istegen bolsa, keiin basqa saiasi kúshterge de qyzmet kórsetýge mindetti ekenin atap ótti.
Osylaisha, jańa ózgerister blogerlerdiń saiasi kontentine qoiylatyn talaptardy naqtylap, jasyryn jarnamaǵa baqylaýdy kúsheitýdi kózdeidi.
