قازاقستاندا بلوگەرلەردٸڭ ساياسي جارناماسىنا قاتىستى تالاپتار كٷشەيتٸلۋٸ مٷمكٸن. مەجٸلٸس وتىرىسىندا دەپۋتاتتار سايلاۋ ٷدەرٸسٸن جەتٸلدٸرۋگە باعىتتالعان زاڭنامالىق ٶزگەرٸستەردٸ بٸرٸنشٸ وقىلىمدا قارادى, دەپ حابارلايدى Ult.kz.
تالقىلاۋ بارىسىندا دەپۋتات نيكيتا شاتالوۆ بلوگەرلەردٸڭ جاسىرىن جارناما جٷرگٸزۋٸنە قاتىستى ناقتى مىسال كەلتٸردٸ. ونىڭ ايتۋىنشا, كەيبٸر بلوگەرلەر ەشقانداي كەلٸسٸمشارتسىز, بٸراق اشىق تٷردە پارتييا نەمەسە كانديدات مٷددەسٸن ناسيحاتتاۋى مٷمكٸن. مۇنداي ەرەكەتتٸ قالاي باعالاۋ كەرەك دەگەن سۇراق كٶتەرٸلدٸ.
بۇل ساۋالعا جاۋاپ بەرگەن ورتالىق سايلاۋ كوميسسيياسىنىڭ حاتشىسى شاۆقات ٶتەمٸسوۆ بلوگەر مەن كانديدات نەمەسە پارتييا اراسىندا رەسمي كەلٸسٸم بولماسا دا, مۇنداي ەرەكەت جاسىرىن ٷگٸت-ناسيحات رەتٸندە قاراستىرىلۋى ىقتيمال ەكەنٸن ايتتى.
ونىڭ سٶزٸنشە, جازباشا كەلٸسٸمشارتتىڭ بولماۋى جاۋاپكەرشٸلٸكتەن بوساتپايدى. كەرٸسٸنشە, بۇل ەكٸمشٸلٸك قۇقىق بۇزۋشىلىق تۋرالى كودەكستٸڭ 118-بابى اياسىندا جاۋاپقا تارتۋعا نەگٸز بولۋى مٷمكٸن.
سونداي-اق ٶتەمٸسوۆ بلوگەرلەر بۇرىن سايلاۋ ناۋقاندارى كەزٸندە بەلگٸلٸ بٸر كانديداتپەن نەمەسە پارتييامەن رەسمي جۇمىس ٸستەگەن بولسا, كەيٸن باسقا ساياسي كٷشتەرگە دە قىزمەت كٶرسەتۋگە مٸندەتتٸ ەكەنٸن اتاپ ٶتتٸ.
وسىلايشا, جاڭا ٶزگەرٸستەر بلوگەرلەردٸڭ ساياسي كونتەنتٸنە قويىلاتىن تالاپتاردى ناقتىلاپ, جاسىرىن جارناماعا باقىلاۋدى كٷشەيتۋدٸ كٶزدەيدٸ.
