Ámbebap jáne konvergentti jýrnalisterdi daiarlaýǵa arnalǵan «Jas Qalam» respýblikalyq jobasyna qatysý úshin ótinish qabyldaý bastalyp ketti. JobanyNursultan Nazarbaev Qorynyń qoldaýymen Qazaqstan jastarynyń kongresi uiymdastyrýda, dep habarlaidy "Ult aqparat" qordyń baspasóz qyzmetine silteme jasap.
Jobanyń maqsaty - qazaqstandyq jýrnalistikany damytý, óz salasyndaǵy kásibi mamandarynan, elimizdiń tanymal jýrnalisterinen, BAQ menedjerleri men BAQ jetekshilerinen, blogerler men telegram-arnalardyń avtorlarynan, media- t renerlerden tegin bilim alýǵa múmkindik berý.
Dástúrli sipatqa ie bolǵan joba biyl úshinshi ret ótkiziledi. Ótken jyly qatysýshylar blog júrgizý, telejýrnalistika, baspa jáne internet-jýrnalistika baǵyttarynyń bireýin ǵana tańdaýy kerek bolsa, al biyl olar blog júrgizý jáne áleýmettik media, jeke brend qalyptastyrý jáne PR, telejýrnalistika, baspa jáne internet jýrnalistika siiaqty 4 baǵyt boiynsha bir ai kúndelikti bilim ala alady.
Aita ketý kerek, biyl oqý eki tilde ótedi. 26 qazannan 20 qarashaǵa deiin orystildi topqa, al 16 qarashadan 11 jeltoqsanǵa deiin qazaqtildi topqa arnalǵan treningter ótedi.
- Biylǵy jyly master-klasstardyń taqyryptary men baǵyttaryn ártaraptandyrý sheshildi. Biz árbir jas jýrnalistiń zertteýge arnalǵan taqyryptardyń tolyq spektrin alǵandyǵyn qalaimyz. Jyl saiyn ótkiziletin «Jas qalam» treningteri óz tiimdiligin kórsetti. Óitkeni, qatysýshylar aqparattyq jumysty júrgizýde jańa tásilder qoldanady, qatelikterin kóredi jáne jańalyq taratýdyń jańa formattaryn igeredi, - deidi Nursultan Nazarbaev qory atqarýshy direktorynyń orynbasary Álkei Marǵulanuly.
Baǵdarlamanyń birinshi baǵyty - «Blogging». Bul apta tolyǵymen áleýmettik media, kopiraiting, storitelling, Instagram jáne Youtube platformalardaǵy qazirgi tendentsiialarmen tanysýǵa arnalady.
Ekinshi baǵyt - «PR jáne jeke brending». Qoǵammen bailanys salasynyń úzdik mamandary imidj qalyptastyrý, BAQ-pen ózara bailanys qurý jáne daǵdarysqa qarsy tura alatyn menedjmenttiń syrlaryn jas jýrnalisterge aityp beredi.
Úshinshi baǵyt TV salasynda qyzmet etý men avtorlyq baǵdarlama júrgizýdi armandaǵandar úshin erekshe qyzyq bolmaq. Telejýrnalistika aptalyǵy jańalyq júrgizý, TV shoý baǵdarlama ázirleý, jeke baǵdarlama taqyryptaryna arnalady.
Baǵdarlama baspa jýrnalistikasynyń negizderin, tendentsiialaryn jáne onlain BAQ-ta jumys isteýdi, maqala jazý men suhbattasý ónerin úiretetin baǵyttaǵy oqýmen aiaqtalady.
«Jobaǵa qatysýshylardyń sany jyl saiyn ósip kele jatqany qýantady.
2018 jyly jas jýrnalisterge arnalǵan forým Qazaqstannyń 4 oblysynda ótti. 2019 jyly aimaqtyq forýmǵa elimizdiń 7 aimaǵynan 1000-nan astam jas qatysty. 2 ailyq onlain-jobanyń sońynda biz qatysýshylarmen bailanysymyzdy úzbeimiz, olardy baqylap, tálimgerlik kómek kórsetemiz jáne jas jýrnalister men blogerlerge arnalǵan onlain media qoǵamdastyqtyń odan ári damýy úshin joba qatysýshylaryn kommýnikatsiialyq alańǵa biriktiremiz», - dedi Qazaqstan Jastar kongresiniń atqarýshy direktory Toqtar Bolysov.
Uiymdastyrýshylar Jas Qalam biryńǵai bilim berý platformasyn qurýdy bastap ketti. Ony 2020 jyldyń jeltoqsanynda, jobanyń sońynda iske qosý josparlanyp otyr.
Orys tobyna tirkelý 22 qazan, al qazaq tobyna 16 qarasha aiaqtalady.Silteme jobanyń instagram-paraqshasynda (@jas.qalam) kórsetilgen.
