Foto: revvy.ai
Shyǵys Qazaqstan oblysynda prokýratýra engizgen «URPAQ» chat-boty arqyly jasóspirimge qatysty bolýy múmkin zorlyq-zombylyqtyń aldyn alý faktisi tirkeldi, dep habarlaidy Ult.kz.
2024 jyldan beri iske qosylǵan joba balalar men ata-analarǵa býlling, zorlyq-zombylyq jáne ózge de qaýip-qaterler týraly anonimdi túrde habarlaýǵa múmkindik beredi.
Oblys prokýratýrasynyń málimetinshe, sáýir aiynda @VKO_URPAQ_BOT chat-botyna kámeletke tolmaǵan bala ózine qatysty yqtimal fizikalyq zorlyq áreketi josparlanǵany jóninde habar bergen.
Oqiǵaǵa bailanysty Tarbaǵatai aýdanynyń prokýratýrasy men politsiia qyzmetkerleri jedel áreket etip, jaǵdai der kezinde baqylaýǵa alynǵan. Sonyń nátijesinde janjaldyń ýshyǵýyna jol berilmedi.
Qazirgi tańda jasóspirimniń ómiri men densaýlyǵyna qaýip joq.
Atalǵan derek boiynsha quqyq buzýshylyq jasaýǵa oqtalǵan jasóspirimderdiń ata-analaryna qatysty QR Ákimshilik quqyq buzýshylyq týraly kodeksiniń 127-baby boiynsha ákimshilik hattamalar toltyryldy.
Qatysýshylarmen profilaktikalyq jáne psihologiialyq jumystar júrgizildi.
Prokýratýra «URPAQ» telegram-boty táýlik boiy jumys isteitinin jáne kez kelgen qaýip týraly habarlaýǵa bolatynyn eske saldy.
