فوتو: revvy.ai
شىعىس قازاقستان وبلىسىندا پروكۋراتۋرا ەنگٸزگەن «URPAQ» چات-بوتى ارقىلى جاسٶسپٸرٸمگە قاتىستى بولۋى مٷمكٸن زورلىق-زومبىلىقتىڭ الدىن الۋ فاكتٸسٸ تٸركەلدٸ, دەپ حابارلايدى Ult.kz.
2024 جىلدان بەرٸ ٸسكە قوسىلعان جوبا بالالار مەن اتا-انالارعا بۋللينگ, زورلىق-زومبىلىق جەنە ٶزگە دە قاۋٸپ-قاتەرلەر تۋرالى انونيمدٸ تٷردە حابارلاۋعا مٷمكٸندٸك بەرەدٸ.
وبلىس پروكۋراتۋراسىنىڭ مەلٸمەتٸنشە, سەۋٸر ايىندا @VKO_URPAQ_BOT چات-بوتىنا كەمەلەتكە تولماعان بالا ٶزٸنە قاتىستى ىقتيمال فيزيكالىق زورلىق ەرەكەتٸ جوسپارلانعانى جٶنٸندە حابار بەرگەن.
وقيعاعا بايلانىستى تارباعاتاي اۋدانىنىڭ پروكۋراتۋراسى مەن پوليتسييا قىزمەتكەرلەرٸ جەدەل ەرەكەت ەتٸپ, جاعداي دەر كەزٸندە باقىلاۋعا الىنعان. سونىڭ نەتيجەسٸندە جانجالدىڭ ۋشىعۋىنا جول بەرٸلمەدٸ.
قازٸرگٸ تاڭدا جاسٶسپٸرٸمنٸڭ ٶمٸرٸ مەن دەنساۋلىعىنا قاۋٸپ جوق.
اتالعان دەرەك بويىنشا قۇقىق بۇزۋشىلىق جاساۋعا وقتالعان جاسٶسپٸرٸمدەردٸڭ اتا-انالارىنا قاتىستى قر ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 127-بابى بويىنشا ەكٸمشٸلٸك حاتتامالار تولتىرىلدى.
قاتىسۋشىلارمەن پروفيلاكتيكالىق جەنە پسيحولوگييالىق جۇمىستار جٷرگٸزٸلدٸ.
پروكۋراتۋرا «URPAQ» تەلەگرام-بوتى تەۋلٸك بويى جۇمىس ٸستەيتٸنٸن جەنە كەز كەلگەن قاۋٸپ تۋرالى حابارلاۋعا بولاتىنىن ەسكە سالدى.
