Jasampazdyq jylnamasy. 2002 jyl

2002

* 1 qańtarda Memleket basshysy Nursultan Nazarbaevtyń Qazaqstan halqyna arnaǵan jańajyldyq quttyqtaýy «Egemen Qazaqstan» gazetinde jariialandy. Elbasy quttyqtaýynda: «Halqymyzdyń bolashaqqa degen senimi men sezimi kún sanap kúsheiip kele jatqany men úshin erekshe ystyq. Halyq yqylasynan ystyq ne bar?» – dep jazyldy.

* 22 qańtarda Prezident N.Á. Nazarbaev Eýraziialyq ekonomikalyq qaýymdastyqtyń Bas hatshysy Grigorii Rapotamen kezdesti. Basqosý barysynda EýrAzEQ qyzmetine bailanysty birqatar strategiialyq máseleler talqylandy.

* 26 qańtarda Astanada el ómiriniń keleli máselelerin talqylaǵan alqaly keńes ótkizildi. Parlamenttiń jáne Úkimettiń basshylary men músheleri, barlyq deńgeidegi ákimder, quqyq qorǵaý organdarynyń qyzmetkerleri qatysqan jiynda Elbasy Nursultan Nazarbaev sóz sóilep, ótken jyldyń ekonomikalyq kórsetkishteri negizinen alǵanda jaman emes degen baǵa berdi. «Kóptegen salalar tyǵyryqtan shyǵyp, damý belesine aiaq basty, jalpy alǵanda ekonomikamyzdyń órkendeý úrdisin ornyqtyra tústik. Kóptegen kásiporyndar qalpyna keltirildi, jańadan jumys oryndary ashyldy, qalalar men aýdan ortalyqtaryn, selolardy kórkeitý jóninde qyrýar jumys atqaryldy», dedi Elbasy.

* 11-14 aqpan aralyǵynda Elbasy Nursultan Nazarbaevtyń Úndistanǵa resmi sapary bolyp ótti. Elbasy Úndistan Respýblikasynyń Prezidenti Kocheril Raman Naraianmen, Premer-ministr Atal Bihari Vadjpaimen kezdesti. Eki el jetekshileriniń suhbattasýynda halyqaralyq jaǵdaidyń kókeikesti máseleleri, álemge tóngen jańa qaýip – terrorizmmen kúresý, onyń beleń alýyna jol bermeý sharalary talqylandy, sondai-aq, saýda-ekonomikalyq, mádeni-ǵylymi bailanystardy odan ári tereńdetip, damytýǵa basa mán berildi. Sapar sheńberinde Nursultan Nazarbaev Delidegi Abai atyndaǵy kósheniń ashylý saltanatyna qatysty.

*28 aqpanda Almatyda Ortalyq Aziia memleketteri – Qazaqstan, Qyrǵyzstan, Tájikstan jáne Ózbekstan prezidentteri Ortalyq Aziia yntymaqtastyq uiymynyń qurylýy týraly shartqa qol qoidy. Qujatqa qol qoiylǵannan keiin jýrnalisterge bergen suhbatynda Elbasy Nursultan Nazarbaev tórtkúl dúniede adam balasynyń táńirden tileitin tynyshtyǵy úshin jáne memlekettiń turaqtylyǵyna qaýip tóndiretin kez kelgen áreketter men qubylystarǵa qarsy turý úshin kúsh biriktirýdiń mańyzdylyǵyna ekpin berdi.

*7 naýryzda Prezident N.Á.Nazarbaev «Qazaqstan Respýblikasynyń diplomatiialyq qyzmeti týraly» Zańǵa qol qoidy.

*18 naýryzda Elbasy Nursultan Nazarbaev «Qazaq­­stan Respýb­li­ka­sy­nyń ádilet organda­ry týraly» Zańǵa qol qoidy.

* 29 naýryzda Astanada Prezident Nursultan Nazar­ba­ev­-
tyń qatysýymen quqyq qorǵaý or­gan­­­­da­r­ynyń res­pýblikalyq ke­ńe­si­ boldy. Keńeste El­basy sóz sóiledi. «Biz óz qoǵamymyzdaǵy turaqtylyqty zań­dy túrde maqtan ete­miz. Bul memleket qu­rylysynda sonyń esebinen tabysqa qol jetkizilgen eń basty nárse. Naq sondyqtan da investitsiialar kelip jatyr, elimiz damýda», dedi Qazaqstan Prezidenti.

* 7 sáýirde Almatyda Memleket basshysy N.Á.Nazarbaevtyń Dúniejúzilik bank prezidenti Dj.Výllfensonmen kezdesýi boldy. Taraptar aldaǵy ýaqytta Qazaqstan men Dúniejúzilik Bank arasyndaǵy ózara bailanystyń tereńdei túsetinine senim bildirdi.

* 8-9 sáýir kúnderi Almatyda Davostaǵy Dúniejúzilik ekonomikalyq forýmnyń bir bóligi bolyp tabylatyn «Eýraziialyq ekonomikalyq sammit-2002» jiyny bolyp ótti. Onda Elbasy Nursultan Nazarbaev sóz sóiledi. Sondai-aq, sammit aiasynda Memleket basshysy N.Á.Nazarbaev Ýkraina Premer-ministri A.Kinahpen, Irannyń birinshi vitse-prezidenti Mohamed Reza Arefpen, Islam Damý bankiniń prezidenti Ahmad Mohamed Alimen jáne Ekonomikalyq yntymaqtastyq uiymynyń direktory Abdolrahim Gavahimen kezdesti.

*19 sáýirde Astanada Elbasy N.Á.Nazarbaevtyń Qazaqstanǵa resmi saparmen kelgen Horvatiia Prezidenti S.Mesichpen kezdesýi boldy. Kelissózder barysynda taraptar munai salasyndaǵy yntymaqtastyq máselelerine basa nazar aýdardy. Sondai-aq, memleketter basshylary óz aimaqtaryndaǵy integratsiia máselelerinde – Ortalyq Aziia men Balqan túbeginde – Qazaqstan men Horvatiianyń syrtqy saiasi ustanymdary sáikes keletindigine qanaǵattanatyndyqtaryn bildirdi.

* 24 sáýirde Iran Islam Respýblikasynyń Prezidenti Mohammad Hatami Qazaqstanǵa resmi saparmen keldi. Ekijaqty kezdesý barysynda Elbasy Nursultan Nazarbaev pen Mohammad Hatami Qazaqstan men Iran arasyndaǵy Dostyq qarym-qatynastar týraly deklaratsiiaǵa qol qoidy.

*28 sáýirde N.Á. Nazarbaev AQSh Qorǵanys ministri D.Ramsfeldti qa­byldady. Eki jaq halyqaralyq lańkestikke qarsy kúresýdegi yntymaqtastyq ta­­qyrybyn talqylady.

*13 mamyrda Máskeýde Eýraziialyq ekonomikalyq qaýymdastyqtyń Mem­leketaralyq Keńesiniń kezekti májilisi ótti. Jiyn barysynda Qazaqstan Prezidenti N.Á.Nazarbaev pen Resei basshysy V.V.Pýtinniń kezdesýi boldy. Taraptar Qazaqstan men Resei arasynda Kaspii teńiziniń soltústik bóligi qairańyn bólý týrly kelisimge qol qoidy.

*22-23 mamyr kúnderi Prezident Nursultan Nazarbaev resmi saparmen Sloveniiada bolyp, osy eldiń basshysy Milan Kýchanmen kezdesti. Sondai-aq, sapar barysynda Elbasy Sloveniianyń Premer-ministri Ianez Drnovshekpen áńgimelesti. Ia.Drnovshek Qazaqstan Prezidentine «Sloveniia Respýblikasy azattyǵynyń qurmetti altyn ordenin» tapsyrdy.

*24-25 mamyr kúnderi Prezident Nursultan Nazarbaevtyń Polshada resmi sapary ótti. N.Á.Nazarbaev Polsha Prezidenti A.Kvasnevskimen kezdesti. Memleketter basshylary saýda-ekonomikalyq jáne mádeni yntymaqtastyq máselelerin talqylady.