جاسامپازدىق جىلناماسى. 2002 جىل

2002

* 1 قاڭتاردا مەملەكەت باسشىسى نۇرسۇلتان نازارباەۆتىڭ قازاقستان حالقىنا ارناعان جاڭاجىلدىق قۇتتىقتاۋى «ەگەمەن قازاقستان» گازەتٸندە جارييالاندى. ەلباسى قۇتتىقتاۋىندا: «حالقىمىزدىڭ بولاشاققا دەگەن سەنٸمٸ مەن سەزٸمٸ كٷن ساناپ كٷشەيٸپ كەلە جاتقانى مەن ٷشٸن ەرەكشە ىستىق. حالىق ىقىلاسىنان ىستىق نە بار?» – دەپ جازىلدى.

* 22 قاڭتاردا پرەزيدەنت ن.ە. نازارباەۆ ەۋرازييالىق ەكونوميكالىق قاۋىمداستىقتىڭ باس حاتشىسى گريگوريي راپوتامەن كەزدەستٸ. باسقوسۋ بارىسىندا ەۋرازەق قىزمەتٸنە بايلانىستى بٸرقاتار ستراتەگييالىق مەسەلەلەر تالقىلاندى.

* 26 قاڭتاردا استانادا ەل ٶمٸرٸنٸڭ كەلەلٸ مەسەلەلەرٸن تالقىلاعان القالى كەڭەس ٶتكٸزٸلدٸ. پارلامەنتتٸڭ جەنە ٷكٸمەتتٸڭ باسشىلارى مەن مٷشەلەرٸ, بارلىق دەڭگەيدەگٸ ەكٸمدەر, قۇقىق قورعاۋ ورگاندارىنىڭ قىزمەتكەرلەرٸ قاتىسقان جيىندا ەلباسى نۇرسۇلتان نازارباەۆ سٶز سٶيلەپ, ٶتكەن جىلدىڭ ەكونوميكالىق كٶرسەتكٸشتەرٸ نەگٸزٸنەن العاندا جامان ەمەس دەگەن باعا بەردٸ. «كٶپتەگەن سالالار تىعىرىقتان شىعىپ, دامۋ بەلەسٸنە اياق باستى, جالپى العاندا ەكونوميكامىزدىڭ ٶركەندەۋ ٷردٸسٸن ورنىقتىرا تٷستٸك. كٶپتەگەن كەسٸپورىندار قالپىنا كەلتٸرٸلدٸ, جاڭادان جۇمىس ورىندارى اشىلدى, قالالار مەن اۋدان ورتالىقتارىن, سەلولاردى كٶركەيتۋ جٶنٸندە قىرۋار جۇمىس اتقارىلدى», دەدٸ ەلباسى.

* 11-14 اقپان ارالىعىندا ەلباسى نۇرسۇلتان نازارباەۆتىڭ ٷندٸستانعا رەسمي ساپارى بولىپ ٶتتٸ. ەلباسى ٷندٸستان رەسپۋبليكاسىنىڭ پرەزيدەنتٸ كوچەريل رامان نارايانمەن, پرەمەر-مينيستر اتال بيحاري ۆادجپايمەن كەزدەستٸ. ەكٸ ەل جەتەكشٸلەرٸنٸڭ سۇحباتتاسۋىندا حالىقارالىق جاعدايدىڭ كٶكەيكەستٸ مەسەلەلەرٸ, ەلەمگە تٶنگەن جاڭا قاۋٸپ – تەرروريزممەن كٷرەسۋ, ونىڭ بەلەڭ الۋىنا جول بەرمەۋ شارالارى تالقىلاندى, سونداي-اق, ساۋدا-ەكونوميكالىق, مەدەني-عىلىمي بايلانىستاردى ودان ەرٸ تەرەڭدەتٸپ, دامىتۋعا باسا مەن بەرٸلدٸ. ساپار شەڭبەرٸندە نۇرسۇلتان نازارباەۆ دەليدەگٸ اباي اتىنداعى كٶشەنٸڭ اشىلۋ سالتاناتىنا قاتىستى.

*28 اقپاندا الماتىدا ورتالىق ازييا مەملەكەتتەرٸ – قازاقستان, قىرعىزستان, تەجٸكستان جەنە ٶزبەكستان پرەزيدەنتتەرٸ ورتالىق ازييا ىنتىماقتاستىق ۇيىمىنىڭ قۇرىلۋى تۋرالى شارتقا قول قويدى. قۇجاتقا قول قويىلعاننان كەيٸن جۋرناليستەرگە بەرگەن سۇحباتىندا ەلباسى نۇرسۇلتان نازارباەۆ تٶرتكٷل دٷنيەدە ادام بالاسىنىڭ تەڭٸردەن تٸلەيتٸن تىنىشتىعى ٷشٸن جەنە مەملەكەتتٸڭ تۇراقتىلىعىنا قاۋٸپ تٶندٸرەتٸن كەز كەلگەن ەرەكەتتەر مەن قۇبىلىستارعا قارسى تۇرۋ ٷشٸن كٷش بٸرٸكتٸرۋدٸڭ ماڭىزدىلىعىنا ەكپٸن بەردٸ.

*7 ناۋرىزدا پرەزيدەنت ن.ە.نازارباەۆ «قازاقستان رەسپۋبليكاسىنىڭ ديپلوماتييالىق قىزمەتٸ تۋرالى» زاڭعا قول قويدى.

*18 ناۋرىزدا ەلباسى نۇرسۇلتان نازارباەۆ «قازاق­­ستان رەسپۋب­لي­كا­سى­نىڭ ەدٸلەت ورگاندا­رى تۋرالى» زاڭعا قول قويدى.

* 29 ناۋرىزدا استانادا پرەزيدەنت نۇرسۇلتان نازار­با­ەۆ­-
تىڭ قاتىسۋىمەن قۇقىق قورعاۋ ور­گان­­­­دا­ر­ىنىڭ رەس­پۋبليكالىق كە­ڭە­سٸ­ بولدى. كەڭەستە ەل­باسى سٶز سٶيلەدٸ. «بٸز ٶز قوعامىمىزداعى تۇراقتىلىقتى زاڭ­دى تٷردە ماقتان ەتە­مٸز. بۇل مەملەكەت قۇ­رىلىسىندا سونىڭ ەسەبٸنەن تابىسقا قول جەتكٸزٸلگەن ەڭ باستى نەرسە. ناق سوندىقتان دا ينۆەستيتسييالار كەلٸپ جاتىر, ەلٸمٸز دامۋدا», دەدٸ قازاقستان پرەزيدەنتٸ.

* 7 سەۋٸردە الماتىدا مەملەكەت باسشىسى ن.ە.نازارباەۆتىڭ دٷنيەجٷزٸلٸك بانك پرەزيدەنتٸ دج.ۆۋللفەنسونمەن كەزدەسۋٸ بولدى. تاراپتار الداعى ۋاقىتتا قازاقستان مەن دٷنيەجٷزٸلٸك بانك اراسىنداعى ٶزارا بايلانىستىڭ تەرەڭدەي تٷسەتٸنٸنە سەنٸم بٸلدٸردٸ.

* 8-9 سەۋٸر كٷندەرٸ الماتىدا داۆوستاعى دٷنيەجٷزٸلٸك ەكونوميكالىق فورۋمنىڭ بٸر بٶلٸگٸ بولىپ تابىلاتىن «ەۋرازييالىق ەكونوميكالىق سامميت-2002» جيىنى بولىپ ٶتتٸ. وندا ەلباسى نۇرسۇلتان نازارباەۆ سٶز سٶيلەدٸ. سونداي-اق, سامميت اياسىندا مەملەكەت باسشىسى ن.ە.نازارباەۆ ۋكراينا پرەمەر-مينيسترٸ ا.كيناحپەن, يراننىڭ بٸرٸنشٸ ۆيتسە-پرەزيدەنتٸ موحامەد رەزا ارەفپەن, يسلام دامۋ بانكٸنٸڭ پرەزيدەنتٸ احماد موحامەد اليمەن جەنە ەكونوميكالىق ىنتىماقتاستىق ۇيىمىنىڭ ديرەكتورى ابدولراحيم گاۆاحيمەن كەزدەستٸ.

*19 سەۋٸردە استانادا ەلباسى ن.ە.نازارباەۆتىڭ قازاقستانعا رەسمي ساپارمەن كەلگەن حورۆاتييا پرەزيدەنتٸ س.مەسيچپەن كەزدەسۋٸ بولدى. كەلٸسسٶزدەر بارىسىندا تاراپتار مۇناي سالاسىنداعى ىنتىماقتاستىق مەسەلەلەرٸنە باسا نازار اۋداردى. سونداي-اق, مەملەكەتتەر باسشىلارى ٶز ايماقتارىنداعى ينتەگراتسييا مەسەلەلەرٸندە – ورتالىق ازييا مەن بالقان تٷبەگٸندە – قازاقستان مەن حورۆاتييانىڭ سىرتقى ساياسي ۇستانىمدارى سەيكەس كەلەتٸندٸگٸنە قاناعاتتاناتىندىقتارىن بٸلدٸردٸ.

* 24 سەۋٸردە يران يسلام رەسپۋبليكاسىنىڭ پرەزيدەنتٸ موحامماد حاتامي قازاقستانعا رەسمي ساپارمەن كەلدٸ. ەكٸجاقتى كەزدەسۋ بارىسىندا ەلباسى نۇرسۇلتان نازارباەۆ پەن موحامماد حاتامي قازاقستان مەن يران اراسىنداعى دوستىق قارىم-قاتىناستار تۋرالى دەكلاراتسيياعا قول قويدى.

*28 سەۋٸردە ن.ە. نازارباەۆ اقش قورعانىس مينيسترٸ د.رامسفەلدتٸ قا­بىلدادى. ەكٸ جاق حالىقارالىق لاڭكەستٸككە قارسى كٷرەسۋدەگٸ ىنتىماقتاستىق تا­­قىرىبىن تالقىلادى.

*13 مامىردا مەسكەۋدە ەۋرازييالىق ەكونوميكالىق قاۋىمداستىقتىڭ مەم­لەكەتارالىق كەڭەسٸنٸڭ كەزەكتٸ مەجٸلٸسٸ ٶتتٸ. جيىن بارىسىندا قازاقستان پرەزيدەنتٸ ن.ە.نازارباەۆ پەن رەسەي باسشىسى ۆ.ۆ.پۋتيننٸڭ كەزدەسۋٸ بولدى. تاراپتار قازاقستان مەن رەسەي اراسىندا كاسپيي تەڭٸزٸنٸڭ سولتٷستٸك بٶلٸگٸ قايراڭىن بٶلۋ تۋرلى كەلٸسٸمگە قول قويدى.

*22-23 مامىر كٷندەرٸ پرەزيدەنت نۇرسۇلتان نازارباەۆ رەسمي ساپارمەن سلوۆەنييادا بولىپ, وسى ەلدٸڭ باسشىسى ميلان كۋچانمەن كەزدەستٸ. سونداي-اق, ساپار بارىسىندا ەلباسى سلوۆەنييانىڭ پرەمەر-مينيسترٸ يانەز درنوۆشەكپەن ەڭگٸمەلەستٸ. يا.درنوۆشەك قازاقستان پرەزيدەنتٸنە «سلوۆەنييا رەسپۋبليكاسى ازاتتىعىنىڭ قۇرمەتتٸ التىن وردەنٸن» تاپسىردى.

*24-25 مامىر كٷندەرٸ پرەزيدەنت نۇرسۇلتان نازارباەۆتىڭ پولشادا رەسمي ساپارى ٶتتٸ. ن.ە.نازارباەۆ پولشا پرەزيدەنتٸ ا.كۆاسنەۆسكيمەن كەزدەستٸ. مەملەكەتتەر باسشىلارى ساۋدا-ەكونوميكالىق جەنە مەدەني ىنتىماقتاستىق مەسەلەلەرٸن تالقىلادى.