Sýret: gov.kz
Qorǵanys ministrligi ókilderi jarty milliard teńge jymqyrdy degen kúdikke ilingen "Áskeri qurylys" qurylys kompaniiasyna qatysty pikir bildirdi, - dep habarlaidy Massaget.kz portaly.
Ministrdiń orynbasary Sultan Qamaletdinov "Áskeri qurylys" boiynsha másele 2021 jyldan beri júrip jatqanyn moiyndap, barlyq qaryz biyl jyl sońyna deiin óteletinin aitty.
"Bul másele bir jyldan asa ýaqyt boiy aitylyp jatyr. Shynynda da, "Áskeri qurylys" kompaniiasy máselesi 2021 jyldan beri jalǵasyp keledi. Qylmystyq is qozǵaldy. Qorǵanys ministrligi men "Áskeri qurylystyń" jańadan taǵaiyndalǵan laýazymdy tulǵasy bereshekti óteý úshin jumys júrgizip jatyr. Biyl jyl sońyna deiin barlyq qaryz óteledi", - dedi ol.
Aita keteiik, "Áskeri qurylys" basshylyǵy jalǵan shart jasaý arqyly asa iri kólemde biýdjet qarajatyn urlady degen kúdikke ilingen edi. Keltirilgen zalal somasy - 596 million teńge.
"Áskeri qurylys" AQ eks-prezidenti E.Tájidenovtiń qaramaǵyndaǵy adamdar, onyń ishinde týǵan inisi men jieni, sonymen qatar, taǵy 11 adam qylmystyq jaýapkershilikke tartylady.
Sybailas jemqorlyqqa qarsy is-qimyl agenttigi sotaldy tergeý júrgizip, Qorǵanys ministrliginiń laýazymdy adamdary uiymdasqan qylmystyq toptyń urlyǵyna qatysy joq ekenin anyqtady.
