سۋرەت: gov.kz
قورعانىس مينيسترلٸگٸ ٶكٸلدەرٸ جارتى ميلليارد تەڭگە جىمقىردى دەگەن كٷدٸككە ٸلٸنگەن "ەسكەري قۇرىلىس" قۇرىلىس كومپانيياسىنا قاتىستى پٸكٸر بٸلدٸردٸ, - دەپ حابارلايدى Massaget.kz پورتالى.
مينيستردٸڭ ورىنباسارى سۇلتان قامالەتدينوۆ "ەسكەري قۇرىلىس" بويىنشا مەسەلە 2021 جىلدان بەرٸ جٷرٸپ جاتقانىن مويىنداپ, بارلىق قارىز بيىل جىل سوڭىنا دەيٸن ٶتەلەتٸنٸن ايتتى.
"بۇل مەسەلە بٸر جىلدان اسا ۋاقىت بويى ايتىلىپ جاتىر. شىنىندا دا, "ەسكەري قۇرىلىس" كومپانيياسى مەسەلەسٸ 2021 جىلدان بەرٸ جالعاسىپ كەلەدٸ. قىلمىستىق ٸس قوزعالدى. قورعانىس مينيسترلٸگٸ مەن "ەسكەري قۇرىلىستىڭ" جاڭادان تاعايىندالعان لاۋازىمدى تۇلعاسى بەرەشەكتٸ ٶتەۋ ٷشٸن جۇمىس جٷرگٸزٸپ جاتىر. بيىل جىل سوڭىنا دەيٸن بارلىق قارىز ٶتەلەدٸ", - دەدٸ ول.
ايتا كەتەيٸك, "ەسكەري قۇرىلىس" باسشىلىعى جالعان شارت جاساۋ ارقىلى اسا ٸرٸ كٶلەمدە بيۋدجەت قاراجاتىن ۇرلادى دەگەن كٷدٸككە ٸلٸنگەن ەدٸ. كەلتٸرٸلگەن زالال سوماسى - 596 ميلليون تەڭگە.
"ەسكەري قۇرىلىس" اق ەكس-پرەزيدەنتٸ ە.تەجيدەنوۆتٸڭ قاراماعىنداعى ادامدار, ونىڭ ٸشٸندە تۋعان ٸنٸسٸ مەن جيەنٸ, سونىمەن قاتار, تاعى 11 ادام قىلمىستىق جاۋاپكەرشٸلٸككە تارتىلادى.
سىبايلاس جەمقورلىققا قارسى ٸس-قيمىل اگەنتتٸگٸ سوتالدى تەرگەۋ جٷرگٸزٸپ, قورعانىس مينيسترلٸگٸنٸڭ لاۋازىمدى ادامدارى ۇيىمداسقان قىلمىستىق توپتىڭ ۇرلىعىنا قاتىسى جوق ەكەنٸن انىقتادى.
