2027 جىلى B2B شەگەرٸمدەرٸ قايتا ەنگٸزٸلمەسە, كەسٸپكەرلەر سالىق تٶلەۋگە قاراجات تاپشىلىعىنا تاپ بولۋى مٷمكٸن. بۇل تۋرالى كەسٸپكەر ەرٸ ساراپشى ماكسيم بارىشەۆ مەلٸمدەدٸ, دەپ حابارلايدى ult.kz.
ساراپشىنىڭ ايتۋىنشا, سالىق كودەكسٸنە ەنگٸزٸلەتٸن ٶزگەرٸستەر قاراشا ايىنىڭ سوڭىنا دەيٸن ەزٸرلەنٸپ, قۇرىلتايدىڭ قاراۋىنا ۇسىنىلۋى تيٸس. ودان كەيٸن شامامەن ەكٸ اپتا ٸشٸندە قۇجات مەملەكەت باسشىسىنىڭ قول قويۋىنا جٸبەرٸلەدٸ. وسىلايشا, ٶزگەرٸستەر 2027 جىلدىڭ قاڭتارىنان باستاپ كٷشٸنە ەنۋٸ مٷمكٸن.
«مەنٸڭ ويىمشا, ەڭ الدىمەن, وڭايلاتىلعان دەكلاراتسييا نەگٸزٸندە جۇمىس ٸستەيتٸن كەسٸپكەرلەرگە جالپىعا بٸردەي بەلگٸلەنگەن سالىق رەجيمٸندەگٸ كەسٸپكەرلەرمەن ٶزارا جۇمىس ٸستەۋگە مٷمكٸندٸك بەرۋ كەرەك. ياعني B2B وپەراتسييالارى بويىنشا شىعىستاردى شەگەرٸمگە جاتقىزۋعا سالىنعان تىيىمدى الىپ تاستاۋ قاجەت.
ەكٸنشٸدەن, جالاقىعا بايلانىستى بيۋدجەتكە جەنە بيۋدجەتتەن تىس قورلارعا تٶلەنەتٸن سالىقتار مەن باسقا دا مٸندەتتٸ تٶلەمدەردٸ بٸرٸكتٸرٸپ, جالپى سالىق جٷكتەمەسٸن ازايتۋ كەرەك.
ٷشٸنشٸدەن, كەسٸپكەرلەردٸ تەكسەرۋ جەنە باقىلاۋ جٷيەسٸن قايتا قاراۋ قاجەت. ەڭگٸمە سالىستىرمالى باقىلاۋ تۋرالى بولىپ وتىر. ونىڭ نەتيجەسٸندە كەسٸپكەردٸڭ بانك شوتتارى بۇعاتتالىپ, ەلەكتروندىق شوت-فاكتۋرالاردى رەسٸمدەۋ مٷمكٸندٸگٸ توقتاتىلۋى مٷمكٸن. مەنٸڭشە, بۇل جٷيەنٸ قايتا قاراۋ قاجەت», – دەدٸ ول فورۋم اياسىنداعى باسپاسٶز مەسليحاتىندا.
ماكسيم بارىشەۆ سالىق كودەكسٸنە ەنگٸزٸلەتٸن وسى ٶزگەرٸستەردٸڭ العاشقى تٷزەتۋلەر پاكەتٸنە قوسىلۋ مٷمكٸندٸگٸنە دە توقتالدى.
«يە, بۇل ۇسىنىستار پاكەتكە ەنۋٸ مٷمكٸن. ولاردىڭ تٷزەتۋلەر قاتارىنا قوسىلۋى ٷشٸن قولدان كەلگەننٸڭ بەرٸن جاساپ جاتىرمىز. شەگەرٸمدەرگە قاتىستى شەكتەۋدٸ كەرٸ كٷشپەن, ياعني 2026 جىلدىڭ 1 قاڭتارىنان باستاپ الىپ تاستاۋعا بولادى. سالىق زاڭناماسىنداعى ٶزگەرٸستەردٸڭ نەگٸزگٸ مەنٸ مەن ەڭ ماڭىزدى تۇسى – وسى», – دەپ جاۋاپ بەردٸ ساراپشى.
ونىڭ ايتۋىنشا, قازٸرگٸ تاڭدا كەسٸپكەرلەردٸڭ باسىم بٶلٸگٸ كەڭسەلەردٸ جالعا الادى. ەگەر مۇنداي شىعىنداردى B2B وپەراتسييالارى بويىنشا شەگەرٸمگە جاتقىزۋعا مٷمكٸندٸك بەرٸلسە, بۇل دۇرىس شەشٸم بولماق.
«ەگەر بۇل مەسەلە قازٸر شەشٸلمەسە, جۇمىسىن ەلٸ توقتاتپاعان جەنە قىزمەتٸن جالعاستىرىپ جاتقان كەسٸپكەرلەر 2027 جىلدىڭ ناۋرىز ايىندا سالىق تٶلەۋگە قاراجات تاپپاي قالۋى مٷمكٸن. سەبەبٸ ولار وڭايلاتىلعان سالىق رەجيمٸندەگٸ كەسٸپكەرلەرمەن جاسالعان مەمٸلەلەر بويىنشا تابىس سالىعىن تٶلەۋگە مەجبٷر بولادى», – دەپ ەسەپتەيدٸ ماكسيم بارىشەۆ.
سونداي-اق ساراپشى سالىق كودەكسٸنە ەنگٸزٸلگەن ٶزگەرٸستەرگە بايلانىستى ادال جۇمىس ٸستەپ جٷرگەن 300 مىڭنان استام كەسٸپكەردٸڭ جابىلۋى مٷمكٸن دەگەن بولجامىن تاعى دا راستادى.
«ۇلتتىق ەكونوميكا مينيسترلٸگٸندە 360 مىڭ كەسٸپورىننىڭ جابىلۋى مٷمكٸن ەكەنٸ تۋرالى مەلٸمەت ايتىلدى. ولاردىڭ اراسىندا قىزمەتٸن ناقتى جٷرگٸزبەيتٸن, تەك قاعاز جٷزٸندە تٸركەلگەن كەسٸپورىندار بار دەگەن بولجام جاسالدى. الايدا ولاردىڭ قاتارىندا جىلدىق اينالىمى شامامەن 10 ميلليون تەڭگەنٸ قۇرايتىن, قالىپتى جۇمىس ٸستەپ تۇرعان كەسٸپورىندار دا بار. بۇل – ساقتاپ قالۋىمىز قاجەت ادال كەسٸپكەرلەر.
بٸزدٸڭ ويىمىزشا, جاڭادان ون كەسٸپورىن اشىلعانشا, جۇمىس ٸستەپ تۇرعان ٷش كەسٸپكەردٸ ساقتاپ قالعان ەلدەقايدا تيٸمدٸ. قازٸرگٸ تاڭدا ەكونوميكادا جاڭا كەسٸپورىندار اشۋعا ىنتالاندىراتىن وڭ بەلگٸلەر بايقالمايدى.
جاڭا بيزنەس اشىلعان كەزدە ول «ٶلٸم القابى» دەپ اتالاتىن كەزەڭنەن ٶتەدٸ. ەدەتتە, العاشقى جىلدىڭ ٶزٸندە جاڭادان اشىلعان كەسٸپورىنداردىڭ 80–90 پايىزى جابىلىپ قالادى. ال جۇمىسىن جالعاستىرعانداردىڭ اراسىندا كەلەسٸ ەكٸ جىل ٸشٸندە تاعى 50–70 پايىزى قىزمەتٸن توقتاتادى», – دەپ تٷيٸندەدٸ ساراپشى.
