Qazaqstandyq shahmatshy Jansaia Ábdimálik erler arasyndaǵy halyqaralyq grossmeister atandy, dep habarlaidy "Ult aqparat".
Bul týraly shahmatshynyń ózi Facebook-tegi paraqshasynda jazdy.
«Alaqai! Men – halyqaralyq grossmeitermin!», - dep jazdy Jansaia Ábdimálik.
Otandasymyz 22 mamyr men 2 maýsym aralyǵynda ótip jatqan áielder arasyndaǵy FIDE Gran-priiniń aqtyq kezeńinde jaqsy nátije kórsetkeni úshin osyndai ataqqa ie bolyp otyr. Atalmysh jarysqa Qazaqstan atynan Dinara Sádýaqasova da qatysyp jatyr.
Eske salsaq, Jansaia Ábdimálik 2020 jyldyń qorytyndysy boiynsha shahmattan áielder arasynda Qazaqstan chempiony atanǵan edi.
Sondai-aq, ol byltyr FIDE Online Steinitz Memorial jarysynda 2-orynǵa kóterilgen bolatyn.
