قازاقستاندىق شاحماتشى جانسايا ەبدٸمەلٸك ەرلەر اراسىنداعى حالىقارالىق گروسسمەيستەر اتاندى, دەپ حابارلايدى "ۇلت اقپارات".
بۇل تۋرالى شاحماتشىنىڭ ٶزٸ Facebook-تەگٸ پاراقشاسىندا جازدى.
«الاقاي! مەن – حالىقارالىق گروسسمەيتەرمٸن!», - دەپ جازدى جانسايا ەبدٸمەلٸك.
وتانداسىمىز 22 مامىر مەن 2 ماۋسىم ارالىعىندا ٶتٸپ جاتقان ەيەلدەر اراسىنداعى فيدە گران-پريٸنٸڭ اقتىق كەزەڭٸندە جاقسى نەتيجە كٶرسەتكەنٸ ٷشٸن وسىنداي اتاققا يە بولىپ وتىر. اتالمىش جارىسقا قازاقستان اتىنان دينارا سەدۋاقاسوۆا دا قاتىسىپ جاتىر.
ەسكە سالساق, جانسايا ەبدٸمەلٸك 2020 جىلدىڭ قورىتىندىسى بويىنشا شاحماتتان ەيەلدەر اراسىندا قازاقستان چەمپيونى اتانعان ەدٸ.
سونداي-اق, ول بىلتىر FIDE Online Steinitz Memorial جارىسىندا 2-ورىنعا كٶتەرٸلگەن بولاتىن.
