Boksshy Janqosh Turarov Bostandyq aýdanyndaǵy nysandy buzý kezinde soqqy alǵan sot oryndaýshysyna qatysty jaǵdaidyń mán-jaiyn túsindirdi, - dep habarlaidy Tengrinews.kz.
Janqoshtyń aitýynsha, ol ápkesiniń ótinishin oryndap, balany balabaqshadan alyp kelýge barǵan.
"Jaǵdai bylai boldy. Ápkem "úide bir jaǵdai bolyp jatyr, balany balabaqshadan sen alyp kelshi", - dep ótindi. Sosyn úiine bardym. Barsam úiiniń qaqpasyn buzyp jatyr eken. Men buzyp jatqandardan, "kún sýyq, kóshede qaldyraiyn dep tursyńdar ma, úidi nege buzyp jatyrsyńdar? Jaǵdaidy túsinip alsańdarshy", - dedim. Ý-shý, ápkem jylap jatyr. Ótkendegi bes adam qaitys bolǵan jaǵdaidy bilesizder, sondai jaǵdai bolmasyn dep "jigitter, qoiyńdar! Másele ýshyǵyp ketpesin", - dedim".
