بوكسشى جانقوش تۇراروۆ بوستاندىق اۋدانىنداعى نىساندى بۇزۋ كەزٸندە سوققى العان سوت ورىنداۋشىسىنا قاتىستى جاعدايدىڭ مەن-جايىن تٷسٸندٸردٸ, - دەپ حابارلايدى Tengrinews.kz.
جانقوشتىڭ ايتۋىنشا, ول ەپكەسٸنٸڭ ٶتٸنٸشٸن ورىنداپ, بالانى بالاباقشادان الىپ كەلۋگە بارعان.
"جاعداي بىلاي بولدى. ەپكەم "ٷيدە بٸر جاعداي بولىپ جاتىر, بالانى بالاباقشادان سەن الىپ كەلشٸ", - دەپ ٶتٸندٸ. سوسىن ٷيٸنە باردىم. بارسام ٷيٸنٸڭ قاقپاسىن بۇزىپ جاتىر ەكەن. مەن بۇزىپ جاتقانداردان, "كٷن سۋىق, كٶشەدە قالدىرايىن دەپ تۇرسىڭدار ما, ٷيدٸ نەگە بۇزىپ جاتىرسىڭدار? جاعدايدى تٷسٸنٸپ الساڭدارشى", - دەدٸم. ۋ-شۋ, ەپكەم جىلاپ جاتىر. ٶتكەندەگٸ بەس ادام قايتىس بولعان جاعدايدى بٸلەسٸزدەر, سونداي جاعداي بولماسىن دەپ "جٸگٸتتەر, قويىڭدار! مەسەلە ۋشىعىپ كەتپەسٸن", - دەدٸم".
