Qazaqstanym
Dara dastanym,
Ómir bastaýym.
Ashyq aspanym, sensiń qýatym,
Móldir bulaǵym, shyńnyń biigi
Qazaqstanym!
Elim, jurtym, maily ǵoi urtym,
Elimiz quralǵan daradan,
Daraboz narqyń, ózgeshe saltyń,
Jazylǵan shartyń, Qazaqstanym!
Januia baqytym, jastarym jaqutym,
Nýly ormanym, qýly kólderim.
Shýly shólderim, asqaq qoi armanym
Qazaqstanym!
Jer asty kómirlim, sý asty munailym,
Eginim jaiqalǵan, jer ústi shurailym.
El tobyr emes, ol seniń baýyryń,
Birikken qaýymyń Qazaqstanym!
Syrlasam syrym, jyrlasam jyrym,
Jumylsa judyryq, ashylsa arqaýym.
Shashylsa tarqaýym, seniń baqytym
Qazaqstanym!
***
Alǵys
Rizalyq aitamyn men bir ózińe,
Júrekke úndi qosyp bergenińe.
Kózimniń aqty, qara kórgenime,
Oi berip, samal jelge ergenime.
Rizalyq aitamyn men tabiǵatqa,
Tasyma, ózenime, kólderime.
Ný orman, asqaq kóńil, el, jerime
Kórip-ap nebir sulý jańalyqty,
Sulýlyq, albyrttyqty tergenime.
Ómirde kórip nebir tazalyqty,
Er etip, áiel etip bólgenińe.
Ortaǵa mahabbatty sáýle qylyp,
Baladan urpaq jalǵap bergenińe.
Rizalyq ózińe tek áli, taǵy,
Adam ǵyp músheni sailap-sailap tergenińe.
Aitamyn alǵysymdy kúlgenime,
Jas sábi nemeremdi súigenime.
Rizalyq aita alamyn bilim úshin,
Oqýǵa, áripterge tizim úshin.
Alǵysym aita bersem sheksiz meniń,
Aidy da aspandaǵy kórgenime.
Alǵysym taǵy meniń qys, jazyma,
Yzǵardan aýysatyn kóktemime.
Aýama aýysatyn jaz ben kúzge,
Ómirge, qubylysqa, keń tórime.
Alǵysym meniń taǵy aýylyma,
Týǵan el, jora-joldas, baýyryma.
Alǵysym osy meniń ata-anama,
Aiaq, qolym bútin etip týǵanyna.
***
Táýelsiz kún
Aldyn-ala keler kúndi
Bolashaqty qorǵap,
Aýa-raiyn jaýyrynǵa
Qarap qana boljap,
Bolashaqty oilap
Paraq-paraq jyr jazǵan,
Jaqsylyq pen jamandyqtan
Maqal-mátel jyrlaǵan,
Qazaq atam bórik kiip
Shapan kiip kúneltken,
Ájelerim jeńsiz kiip
Oramalyn pir etken,
Tekemetin jiyp ustap
Shań jýytpai taq etken,
Tórt túlikti baǵyp, qaǵyp
Ózin-ózi jyr etken,
Kórshilerden tálim alyp
Bilgirlerdi ańsaǵan,
Qiyndyqqa tózip biraq
Jerin, aryn satpaǵan,
Salt-dástúrdi saqtai júrip
Aram sýdy tatpaǵan,
Talai zaman qiynshylyq
Beinetpenen joqshylyqty,
Qonyshynan basty olar
Endi mine, táýelsiz kún qoly jetip,
Táýelsizdik týyna
Qoryqpaidy, yqpaidy da,
Aram piǵyl qýynan
Keldi kúniń, ósti gúliń,
Elim, týym ańsaǵan
Qalam da tyń,
Ómirim kún, bolashaqqa bastaǵan.
***
Aqqaiyń
Aqqaiyń nege sonsha erekshesiń?
Aq bolyp, tákappar bop bólekshesiń.
Emen men qaraǵaiǵa qaraǵanda,
Boi túzep, syldyr qaǵyp ólshenesiń.
Kóktemde kúnge qarap kúlimdeisiń,
Tań atyp, kesh batqanda kúnimdeisiń.
Ǵashyqtar syrlasqanda boi saǵalap,
Estimei, eshkimge de syr bermeisiń.
Muń aityp, syrlasqanda muńaiasyń,
Án arnap, jyrlaǵandayrǵalasyń.
Áýenge syrnailatqan erip ketip,
Bi bilep, shyr kóbelek ainalasyń.
Jelge de, jańbyrǵa da qýanasyń,
Syrǵańdy syldyrlatyp sylanasyń.
Ketetin uzatylyp qyz sekildi,
Móldirep, jáýdirep bir urlanasyń.
Taqqanyń alqamenen móldir monshaq,
Syrǵań da syńǵyrlaidy gaýhardai saf.
Tamyryń tereńdikte qat-qabatta,
Boiyń da biikteidi aspanǵa shaq.
JANAT JEKEEVA
.jpeg)