جانات جەكەەۆا. "دارا داستانىم, ٶمٸر باستاۋىم"

قازاقستانىم 

دارا داستانىم, 
ٶمٸر باستاۋىم. 
اشىق اسپانىم, سەنسٸڭ قۋاتىم, 
مٶلدٸر بۇلاعىم, شىڭنىڭ بيٸگٸ 
قازاقستانىم! 

ەلٸم, جۇرتىم, مايلى عوي ۇرتىم, 
ەلٸمٸز قۇرالعان دارادان, 
دارابوز نارقىڭ, ٶزگەشە سالتىڭ, 
جازىلعان شارتىڭ, قازاقستانىم! 

جانۇيا باقىتىم, جاستارىم جاقۇتىم, 
نۋلى ورمانىم, قۋلى كٶلدەرٸم. 
شۋلى شٶلدەرٸم, اسقاق قوي ارمانىم 
قازاقستانىم! 

جەر استى كٶمٸرلٸم, سۋ استى مۇنايلىم, 
ەگٸنٸم جايقالعان, جەر ٷستٸ شۇرايلىم. 
ەل توبىر ەمەس, ول سەنٸڭ باۋىرىڭ, 
بٸرٸككەن قاۋىمىڭ قازاقستانىم! 

سىرلاسام سىرىم, جىرلاسام جىرىم, 
جۇمىلسا جۇدىرىق, اشىلسا ارقاۋىم. 
شاشىلسا تارقاۋىم, سەنٸڭ باقىتىم 
قازاقستانىم! 

***

العىس 

ريزالىق ايتامىن مەن بٸر ٶزٸڭە, 
جٷرەككە ٷندٸ قوسىپ بەرگەنٸڭە. 
كٶزٸمنٸڭ اقتى, قارا كٶرگەنٸمە, 
وي بەرٸپ, سامال جەلگە ەرگەنٸمە. 

ريزالىق ايتامىن مەن تابيعاتقا, 
تاسىما, ٶزەنٸمە, كٶلدەرٸمە. 
نۋ ورمان, اسقاق كٶڭٸل, ەل, جەرٸمە 
كٶرٸپ-اپ نەبٸر سۇلۋ جاڭالىقتى, 
سۇلۋلىق, البىرتتىقتى تەرگەنٸمە. 

ٶمٸردە كٶرٸپ نەبٸر تازالىقتى, 
ەر ەتٸپ, ەيەل ەتٸپ بٶلگەنٸڭە. 
ورتاعا ماحابباتتى سەۋلە قىلىپ, 
بالادان ۇرپاق جالعاپ بەرگەنٸڭە. 

ريزالىق ٶزٸڭە تەك ەلٸ, تاعى, 
ادام عىپ مٷشەنٸ سايلاپ-سايلاپ تەرگەنٸڭە. 
ايتامىن العىسىمدى كٷلگەنٸمە, 
جاس سەبي نەمەرەمدٸ سٷيگەنٸمە. 

ريزالىق ايتا الامىن بٸلٸم ٷشٸن, 
وقۋعا, ەرٸپتەرگە تٸزٸم ٷشٸن. 
العىسىم ايتا بەرسەم شەكسٸز مەنٸڭ, 
ايدى دا اسپانداعى كٶرگەنٸمە. 

العىسىم تاعى مەنٸڭ قىس, جازىما, 
ىزعاردان اۋىساتىن كٶكتەمٸمە. 
اۋاما اۋىساتىن جاز بەن كٷزگە, 
ٶمٸرگە, قۇبىلىسقا, كەڭ تٶرٸمە. 

العىسىم مەنٸڭ تاعى اۋىلىما, 
تۋعان ەل, جورا-جولداس, باۋىرىما. 
العىسىم وسى مەنٸڭ اتا-اناما, 
اياق, قولىم بٷتٸن ەتٸپ تۋعانىنا. 

***

***

اققايىڭ 

اققايىڭ نەگە سونشا ەرەكشەسٸڭ? 
اق بولىپ, تەكاپپار بوپ بٶلەكشەسٸڭ. 
ەمەن مەن قاراعايعا قاراعاندا, 
بوي تٷزەپ, سىلدىر قاعىپ ٶلشەنەسٸڭ. 

كٶكتەمدە كٷنگە قاراپ كٷلٸمدەيسٸڭ, 
تاڭ اتىپ, كەش باتقاندا كٷنٸمدەيسٸڭ. 
عاشىقتار سىرلاسقاندا بوي ساعالاپ, 
ەستٸمەي, ەشكٸمگە دە سىر بەرمەيسٸڭ. 

مۇڭ ايتىپ, سىرلاسقاندا مۇڭاياسىڭ, 
ەن ارناپ, جىرلاعانداىرعالاسىڭ. 
ەۋەنگە سىرنايلاتقان ەرٸپ كەتٸپ, 
بي بيلەپ, شىر كٶبەلەك اينالاسىڭ. 

جەلگە دە, جاڭبىرعا دا قۋاناسىڭ, 
سىرعاڭدى سىلدىرلاتىپ سىلاناسىڭ. 
كەتەتٸن ۇزاتىلىپ قىز سەكٸلدٸ, 
مٶلدٸرەپ, جەۋدٸرەپ بٸر ۇرلاناسىڭ. 

تاققانىڭ القامەنەن مٶلدٸر مونشاق, 
سىرعاڭ دا سىڭعىرلايدى گاۋھارداي ساف. 
تامىرىڭ تەرەڭدٸكتە قات-قاباتتا, 
بويىڭ دا بيٸكتەيدٸ اسپانعا شاق. 

جانات جەكەەۆا