كٶكشەتاۋدا جۇمىسشى بيٸكتەن قۇلاپ, اۋىر جاراقات الدى. وقيعاعا قاتىستى قىلمىستىق ٸس قوزعالعان. ال ەڭبەك ينسپەكتسيياسىنا جۇمىس بەرۋشٸدەن جازاتايىم وقيعا تۋرالى حابارلاما تٷسپەگەن, دەپ حابارلايدى ult.kz.
Nayza_kokshe Instagram پاراقشاسىنىڭ مەلٸمەتٸنشە, وقيعا ۆاسيلكوۆسكيي شاعىن اۋدانىندا بولعان. جازبا اۆتورى جۇمىسشىنىڭ كەمٸندە 5 مەتر بيٸكتٸكتەن قۇلاعانىن حابارلاعان. جارييالانىمدا ونىڭ باسىنان, ومىرتقاسى مەن باسقا دا سٷيەكتەرٸنەن جاراقات العانى ايتىلعان.
قالالىق پوليتسييا وقيعا بويىنشا قىلمىستىق ٸس قوزعالعانىن راستادى. قازٸر بولعان جاعدايدىڭ مەن-جايى انىقتالىپ جاتىر.
اقمولا وبلىسىنىڭ مەملەكەتتٸك ەڭبەك ينسپەكتسيياسى دەپارتامەنتٸنٸڭ حابارلاۋىنشا, جۇمىس بەرۋشٸ جازاتايىم وقيعا تۋرالى ۆەدومستۆوعا حابارلاماعان.
قولدانىستاعى تالاپتارعا سەيكەس, جۇمىس بەرۋشٸگە جازاتايىم وقيعا تۋرالى حابارلاماعانى ٷشٸن ەكٸمشٸلٸك جاۋاپكەرشٸلٸك قاراستىرىلعان. قازٸر ينسپەكتسييا وقيعانىڭ مەن-جايىن انىقتاپ جاتىر.
