اقتاۋدا كٶپقاباتتى ٷيدٸڭ كٸرەبەرٸسٸندە ۇيىقتاپ قالعان 14 جاستاعى بالانىڭ سۋرەتٸ ەلەۋمەتتٸك جەلٸدە تارادى. جەلٸ قولدانۋشىلارى جاسٶسپٸرٸمنٸڭ بەس كٷن بويى ٷيٸنە بارماعانىن جازىپ, وتباسىنا قاتىستى تٷرلٸ پٸكٸر بٸلدٸرگەن. الايدا بۇل اقپارات رەسمي تٷردە جوققا شىعارىلدى, دەپ حابارلايدى ult.kz.
HALYQSTAN Telegram ارناسىنىڭ مەلٸمەتٸنشە, وقيعا 8 قازاندا بولعان. كەشكٸ سەرۋەنگە شىققان جاسٶسپٸرٸم ساعات 22:30 شاماسىندا دوسىن كٷتۋ ٷشٸن ٷيٸنٸڭ كٸرەبەرٸسٸنە كٸرٸپ, ەكٸنشٸ قاباتتاعى باسپالداق الاڭىندا ۇيىقتاپ قالعان. ونى بايقاعان ەيەل ٷستٸنە كٶرپە جاۋىپ قويعان.
ماڭعىستاۋ وبلىسىنىڭ كەمەلەتكە تولماعانداردىڭ ٸستەرٸ جٶنٸندەگٸ كوميسسييا مٷشەسٸ ديليارا تۋرينانىڭ ايتۋىنشا, بالانىڭ بەس كٷن بويى ٷيٸنە كەلمەگەنٸ تۋرالى مەلٸمەت شىندىققا جاناسپايدى. اناسى ۇلىن تٷنٸ بويى ٸزدەپ, ونىڭ اماندىعىنا الاڭداعان.
وقيعادان كەيٸن بالالاردىڭ قۇقىقتارىن قورعاۋ باسقارماسى مەن پسيحولوگييالىق قولداۋ ورتالىعىنىڭ ماماندارى وتباسىنىڭ جاعدايىن زەردەلەگەن.
باسقارمانىڭ حابارلاۋىنشا, قازٸر ماماندار مەن وتباسى اراسىندا تۇراقتى بايلانىس ورناتىلعان. بالانىڭ جاعدايى باقىلاۋدا, وعان پسيحولوگييالىق قولداۋ كٶرسەتٸلٸپ, اناسىمەن تٷسٸندٸرۋ جۇمىستارى جٷرگٸزٸلگەن. جاسٶسپٸرٸمنٸڭ قاۋٸپسٸزدٸگٸن قامتاماسىز ەتۋ جەنە پسيحولوگييالىق جاي-كٷيٸن قولداۋ شارالارى جالعاسىپ جاتىر.
