Aqtaýda kópqabatty úidiń kireberisinde uiyqtap qalǵan 14 jastaǵy balanyń sýreti áleýmettik jelide tarady. Jeli qoldanýshylary jasóspirimniń bes kún boiy úiine barmaǵanyn jazyp, otbasyna qatysty túrli pikir bildirgen. Alaida bul aqparat resmi túrde joqqa shyǵaryldy, dep habarlaidy ult.kz.
HALYQSTAN Telegram arnasynyń málimetinshe, oqiǵa 8 qazanda bolǵan. Keshki serýenge shyqqan jasóspirim saǵat 22:30 shamasynda dosyn kútý úshin úiiniń kireberisine kirip, ekinshi qabattaǵy baspaldaq alańynda uiyqtap qalǵan. Ony baiqaǵan áiel ústine kórpe jaýyp qoiǵan.
Mańǵystaý oblysynyń kámeletke tolmaǵandardyń isteri jónindegi komissiia múshesi Diliara Týrinanyń aitýynsha, balanyń bes kún boiy úiine kelmegeni týraly málimet shyndyqqa janaspaidy. Anasy ulyn túni boiy izdep, onyń amandyǵyna alańdaǵan.
Oqiǵadan keiin Balalardyń quqyqtaryn qorǵaý basqarmasy men Psihologiialyq qoldaý ortalyǵynyń mamandary otbasynyń jaǵdaiyn zerdelegen.
Basqarmanyń habarlaýynsha, qazir mamandar men otbasy arasynda turaqty bailanys ornatylǵan. Balanyń jaǵdaiy baqylaýda, oǵan psihologiialyq qoldaý kórsetilip, anasymen túsindirý jumystary júrgizilgen. Jasóspirimniń qaýipsizdigin qamtamasyz etý jáne psihologiialyq jai-kúiin qoldaý sharalary jalǵasyp jatyr.
