جانار ايجانوۆا "ايتارىم بار" پودكاستىندا بالا كەزٸندەگٸ تەربيەسٸن ەسكە الىپ, قازاق وتباسىنداعى سىيلاستىق پەن تۋىستىق قارىم-قاتىناس تۋرالى سٶز قوزعادى, دەپ حابارلايدى ult.kz.
سۇحبات بارىسىندا ەنشٸ قازاق وتباسىندا جەزدە مەن بالدىز اراسىنداعى قارىم-قاتىناستىڭ دا ٶزٸندٸك ەدەبٸ بولعانىن ايتتى. ونىڭ سٶزٸنشە, ٶزدەرٸ ٶسكەن ورتادا تۋعان جەزدەمەن قالجىڭداسۋعا رۇقسات ەتٸلمەگەن.
"بٸزدٸ تۋعان جەزدەمٸزبەن قالجىڭداستىرمايتىن. تەك الىس تۋىس بولىپ كەلەتٸن جەزدەلەرمەن قالجىڭداسۋعا بولاتىن. ال تۋعان جەزدەمەن ەشقاشان ويناۋعا بولمايدى دەگەن تىيىممەن ٶستٸك. بۇل دا سىيلاستىقتىڭ بٸر تٷرٸ", – دەدٸ جانار ايجانوۆا.
ٶنەر يەسٸ بۇرىنعى وتباسىلىق تەربيەدە كەلٸنگە قامقورلىق جاساۋعا دا ەرەكشە كٶڭٸل بٶلٸنگەنٸن جەتكٸزدٸ. ەسٸرەسە, جاڭا تٷسكەن كەلٸن مەن بوسانعان ەيەلدٸ اۋىر جۇمىستان بوساتىپ, ولارعا جان-جاقتى كٶمەك كٶرسەتٸلگەنٸن ەسكە الدى.
"كەزٸندە جەڭگەلەرٸمٸزگە دە كٶمەكتەسەتٸنبٸز. ٷيگە ەندٸ كەلٸن بولىپ تٷسكەندە نەمەسە بوسانىپ كەلگەندە شەشەمٸز ولارعا بٸر شەلەك سۋدى دا تٶكتٸرمەيتٸن. بۇل كٷيەۋ بالاعا دا قاتىستى. سول سەبەپتٸ تۋعان جەزدەمەن وينامايدى دەگەن تەربيە بولعان", – دەپ تٷسٸندٸردٸ ەنشٸ.
جانار ايجانوۆانىڭ پٸكٸرٸنشە, وسىنداي تەربيەنٸڭ نەگٸزٸندە ادامداردىڭ بٸر-بٸرٸنە دەگەن قۇرمەتٸ مەن جاناشىرلىعى جاتىر. ول وتباسىنداعى تاتۋلىقتى ساقتاۋ ٷشٸن تەك كەلٸننٸڭ ٷلكەندٸ سىيلاۋى جەتكٸلٸكسٸز ەكەنٸن, سىيلاستىق ەكٸ جاقتان دا بولۋى كەرەكتٸگٸن اتاپ ٶتتٸ.
"وسىنداي سىيلاستىق بار جەردە كەلٸن ەنەگە قالاي رەنجيدٸ? بٷگٸندە سول سىيلاستىقتىڭ ارقاسىندا بٸر-بٸرٸمٸزبەن قۋانىپ تا, جىلاپ تا قاۋىشامىز. ٷلكەنگە دە, كٸشٸگە دە ايتارىم – ارادا سىيلاستىق بولۋ كەرەك", – دەدٸ ٶنەر يەسٸ.
ەنشٸ ۋاقىتتىڭ زىمىراپ ٶتەتٸنٸن دە ەسكە سالىپ, ادام ٶمٸرٸندەگٸ ەڭ ماڭىزدى قۇندىلىقتاردىڭ بٸرٸ جاقىندارىمەن جاقسى قارىم-قاتىناس ورناتۋ ەكەنٸن ايتتى.
"كەرٸلٸك قۋىپ جەتتٸ, توس دەمەدٸ, جاستىق شاق ٶتە شىقتى, قوش دەمەدٸ دەيدٸ عوي. سىيلاستىق بار جەردە بەرەكە بار. ول ەكٸ جاقتان دا بولۋى كەرەك", – دەپ تٷيٸندەدٸ جانار ايجانوۆا.
ٶنەر يەسٸنٸڭ بۇل پٸكٸرٸ قازاقى تەربيەدەگٸ ٷلكەنگە قۇرمەت, كٸشٸگە ٸزەت كٶرسەتۋ دەستٷرٸنٸڭ ماڭىزىن تاعى بٸر مەرتە ەسكە سالدى. ونىڭ ايتۋىنشا, وتباسىنداعى بەرەكە بٸر ادامنىڭ عانا مٸندەتٸ ەمەس, ەربٸر جاننىڭ ٶزارا تٷسٸنٸستٸگٸ مەن قۇرمەتٸنە بايلانىستى.
جانار ايجانوۆا كٸم?
جانار ايجانوۆا – قازاقستاندىق ەنشٸ, اكتريسا جەنە تەلەجٷرگٸزۋشٸ, قازاق ٶنەرٸندە ٶزٸندٸك ورنى بار تانىمال تۇلعا. ول كٶپشٸلٸككە مۋزىكالىق شىعارماشىلىعىمەن, ەزٸل-سىقاق جانرىنداعى رٶلدەرٸمەن جەنە تەلەۆيزييالىق جوبالارعا قاتىسۋىمەن بەلگٸلٸ.
جانار ايجانوۆا 1968 جىلى اقتٶبە وبلىسى شالقار اۋدانىنىڭ تۇمالىكٶل اۋىلىندا دٷنيەگە كەلگەن. بالا كەزٸنەن ەن مەن دومبىراعا قىزىعىپ, مەكتەپتەگٸ مەدەني شارالارعا بەلسەندٸ قاتىسقان. 1985-1986 جىلدارى شالقار اۋداندىق مەدەنيەت ٷيٸندە اۆتوكلۋب مەڭگەرۋشٸسٸ بولىپ ەڭبەك ەتكەن. 1995 جىلى اباي اتىنداعى قازاق ۇلتتىق پەداگوگيكالىق ۋنيۆەرسيتەتٸنٸڭ مۋزىكا فاكۋلتەتٸن تەمامداعان. 1991-2000 جىلدارى سٷيٸنباي اتىنداعى الماتى وبلىستىق فيلارمونيياسىندا قىزمەت اتقارعان. وسى كەزەڭدە "ادىرنا" فولكلورلىق-ەتنوگرافييالىق انسامبلٸنٸڭ قۇرامىندا ٶنەر كٶرسەتكەن. كەيٸن "گٷلدەر" انسامبلٸندە ەنشٸلٸك قىزمەتٸن جالعاستىرعان. ونىڭ شىعارماشىلىعىندا ۇلتتىق مۋزىكا مەن دەستٷرلٸ ەن ٶنەرٸ ماڭىزدى ورىن الادى. ٶنەر يەسٸ "مەن قازاق قىزدارىنا قايران قالام", "دوستارىم", "قوبىزىم" سەكٸلدٸ ەندەردٸ ورىنداۋىمەن تانىمال.
جانار ايجانوۆا ەنشٸلٸكتەن بٶلەك, تەلەجٷرگٸزۋشٸلٸك جەنە اكتەرلٸك قىرىنان دا تانىلعان. ول كتك جەنە باسقا دا تەلەارنالارداعى باعدارلامالاردى جٷرگٸزگەن. سونىمەن قاتار "وتباسى", "تاقييالى پەرٸشتە" تەلەسەريالدارى مەن "Q-ەلٸ" ەزٸل-سىقاق جوباسىنا قاتىسقان.
2015 جىلى قازاق حاندىعىنىڭ 550 جىلدىعىنا ارنالعان "تاريحى تاسقا جازىلعان" اتتى كونتسەرتٸن ٶتكٸزگەن. سول جىلى "دارا جول" باعدارلاماسىندا شىعارماشىلىق جولى تۋرالى ەڭگٸمەلەگەن. ەنشٸ قازاقستان جاستار وداعى سىيلىعىنىڭ لاۋرەاتى جەنە قازاقستان رەسپۋبليكاسىنىڭ مەدەنيەت قايراتكەرٸ اتانعان. 2020 جىلى وعان "قازاقستاننىڭ ەڭبەك سٸڭٸرگەن قايراتكەرٸ" قۇرمەتتٸ اتاعى بەرٸلگەن.
بٷگٸندە جانار ايجانوۆا تٷرلٸ سۇحباتتار مەن تەلەۆيزييالىق باعدارلامالارعا قاتىسىپ, ٶنەر جەنە قوعام تاقىرىپتارىندا پٸكٸر بٸلدٸرٸپ جٷر.
