Foto: primeminister.kz
Premer-ministrdiń orynbasary - qarjy ministri Erulan Jamaýbaev jańa ministrlikterge qansha aqsha jumsalatynyn aitty, - dep habarlaidy Tengrinews.kz.
Jamaýbaevtyń sózinshe, qarjy kólemin anyqtaý úshin ýaqyt qajet.
"Búgin Úkimettiń alǵashqy otyrysy ótti. Kóreiik. Áli bólinbegendikten, jańa ministrlikterdiń jumysyn kórgen joqpyz. Ýaqyt kerek", - dep jaýap berdi sheneýnik Májilis kýlýarynda.
Sonymen qatar Erulan Jamaýbaev ministrlikter arasynda qoldanystaǵy biýdjet bólinetinin, qosymsha shyǵyn bolmaitynyn rastady.
"Meniń oiymsha, eger biýdjet mólsheri shamaly ósetin bolsa, bári ekonomikanyń ósýimen jabylady. Bul ministrlikter ne úshin quryldy? Óz salalaryn alǵa jyljytýy úshin. Bizde kóptegen sala ósip jatyr, olardyń qarqynyn arttyrý kerek. Olar tapsyrmaǵa sáikes orta merzimdi perspektivada jylyna 6-7 paiyzǵa ósýi kerek. Sonymen qatar keiingi jyldary memlekettik organdardyń shyǵyndary ósken joq", - dedi Premer-ministrdiń orynbasary.
Sondai-aq, sheneýnik ministrlikter burynǵy ǵimarattarynda qalatynyn aitty.
"Meniń oiymsha, olar burynǵy ǵimarattarda qalady. Árine, keibir ministrlerge jańa kabinet qajet, biraq muny olar ózderi sheshedi", - dep jaýap berdi Jamaýbaev.
Eske salaiyq, 1 qyrkúiekte Qazaqstanda jańa ministrlikter paida boldy. Endi Úkimette bes jańa ministrlik bar, biraq birigý men qaita qurý esebinen tek ekeýi ǵana qosyldy.
