فوتو: primeminister.kz
پرەمەر-مينيستردٸڭ ورىنباسارى - قارجى مينيسترٸ ەرۇلان جاماۋباەۆ جاڭا مينيسترلٸكتەرگە قانشا اقشا جۇمسالاتىنىن ايتتى, - دەپ حابارلايدى Tengrinews.kz.
جاماۋباەۆتىڭ سٶزٸنشە, قارجى كٶلەمٸن انىقتاۋ ٷشٸن ۋاقىت قاجەت.
"بٷگٸن ٷكٸمەتتٸڭ العاشقى وتىرىسى ٶتتٸ. كٶرەيٸك. ەلٸ بٶلٸنبەگەندٸكتەن, جاڭا مينيسترلٸكتەردٸڭ جۇمىسىن كٶرگەن جوقپىز. ۋاقىت كەرەك", - دەپ جاۋاپ بەردٸ شەنەۋنٸك مەجٸلٸس كۋلۋارىندا.
سونىمەن قاتار ەرۇلان جاماۋباەۆ مينيسترلٸكتەر اراسىندا قولدانىستاعى بيۋدجەت بٶلٸنەتٸنٸن, قوسىمشا شىعىن بولمايتىنىن راستادى.
"مەنٸڭ ويىمشا, ەگەر بيۋدجەت مٶلشەرٸ شامالى ٶسەتٸن بولسا, بەرٸ ەكونوميكانىڭ ٶسۋٸمەن جابىلادى. بۇل مينيسترلٸكتەر نە ٷشٸن قۇرىلدى? ٶز سالالارىن العا جىلجىتۋى ٷشٸن. بٸزدە كٶپتەگەن سالا ٶسٸپ جاتىر, ولاردىڭ قارقىنىن ارتتىرۋ كەرەك. ولار تاپسىرماعا سەيكەس ورتا مەرزٸمدٸ پەرسپەكتيۆادا جىلىنا 6-7 پايىزعا ٶسۋٸ كەرەك. سونىمەن قاتار كەيٸنگٸ جىلدارى مەملەكەتتٸك ورگانداردىڭ شىعىندارى ٶسكەن جوق", - دەدٸ پرەمەر-مينيستردٸڭ ورىنباسارى.
سونداي-اق, شەنەۋنٸك مينيسترلٸكتەر بۇرىنعى عيماراتتارىندا قالاتىنىن ايتتى.
"مەنٸڭ ويىمشا, ولار بۇرىنعى عيماراتتاردا قالادى. ەرينە, كەيبٸر مينيسترلەرگە جاڭا كابينەت قاجەت, بٸراق مۇنى ولار ٶزدەرٸ شەشەدٸ", - دەپ جاۋاپ بەردٸ جاماۋباەۆ.
ەسكە سالايىق, 1 قىركٷيەكتە قازاقستاندا جاڭا مينيسترلٸكتەر پايدا بولدى. ەندٸ ٷكٸمەتتە بەس جاڭا مينيسترلٸك بار, بٸراق بٸرٸگۋ مەن قايتا قۇرۋ ەسەبٸنەن تەك ەكەۋٸ عانا قوسىلدى.
