Foto: elements.envato.com
Ulttyq bank basshysy Ǵalymjan Pirmatov jańa ipotekalyq baǵdarlamalar týraly suraqqa jaýap berdi, - dep habarlaidy "Ult aqparat" Sputnik Qazaqstan saityna silteme jasap.
"Qazaqstandyqtar áli de jeńildetilgen turǵyn úi baǵdarlamasy bolady dep úmittenedi. Oǵan úmit arta alamyz ba? Bul másele Ulttyq bank kún tártibinde bar ma?" – dep surady jýrnalister brifing barysynda Pirmatovtan.
"Ulttyq banktiń kún tártibinde ipotekany qarjylandyrý boiynsha qandai da bir qosymsha jeńildetilgen baǵdarlama joq. Biz Ulttyq banktiń ekonomikany qarjylandyrýǵa qandai da bir qoldaý kórsetýge qatyspaǵany durys dep sanaimyz. Jeńildetilgen qarjylandyrýdyń barlyǵy bizdiń negizgi maqsatqa – infliatsiiany tómendetý jáne ony tómen deńgeide ustap turýǵa qaishy keledi", - dedi ol.
Pirmatovtyń pikirinshe, memleket tarapynan qazaqstandyqtarǵa baspana satyp alýǵa kómek kórsetilýi kerek. Biraq ol ataýly jáne Ulttyq banktiń esebinen emes, respýblikalyq biýdjet esebinen bolýǵa tiis.
"Ulttyq banktiń ekonomikany qoldaý boiynsha barlyq baǵdarlamadan shyǵýyn jalǵastyrý durys bolady dep sanaimyn. Olar jeteý bolatyn, beseýinen shyqtyq. Endi Qarapaiym zattar ekonomikasy jáne "7-20-25" qaldy. Biz olardan da tezirek shyǵýdy josparlap otyrmyz", - dedi Ulttyq bank basshysy.
