فوتو: elements.envato.com
ۇلتتىق بانك باسشىسى عالىمجان پٸرماتوۆ جاڭا يپوتەكالىق باعدارلامالار تۋرالى سۇراققا جاۋاپ بەردٸ, - دەپ حابارلايدى "ۇلت اقپارات" Sputnik قازاقستان سايتىنا سٸلتەمە جاساپ.
"قازاقستاندىقتار ەلٸ دە جەڭٸلدەتٸلگەن تۇرعىن ٷي باعدارلاماسى بولادى دەپ ٷمٸتتەنەدٸ. وعان ٷمٸت ارتا الامىز با? بۇل مەسەلە ۇلتتىق بانك كٷن تەرتٸبٸندە بار ما?" – دەپ سۇرادى جۋرناليستەر بريفينگ بارىسىندا پٸرماتوۆتان.
"ۇلتتىق بانكتٸڭ كٷن تەرتٸبٸندە يپوتەكانى قارجىلاندىرۋ بويىنشا قانداي دا بٸر قوسىمشا جەڭٸلدەتٸلگەن باعدارلاما جوق. بٸز ۇلتتىق بانكتٸڭ ەكونوميكانى قارجىلاندىرۋعا قانداي دا بٸر قولداۋ كٶرسەتۋگە قاتىسپاعانى دۇرىس دەپ سانايمىز. جەڭٸلدەتٸلگەن قارجىلاندىرۋدىڭ بارلىعى بٸزدٸڭ نەگٸزگٸ ماقساتقا – ينفلياتسييانى تٶمەندەتۋ جەنە ونى تٶمەن دەڭگەيدە ۇستاپ تۇرۋعا قايشى كەلەدٸ", - دەدٸ ول.
پٸرماتوۆتىڭ پٸكٸرٸنشە, مەملەكەت تاراپىنان قازاقستاندىقتارعا باسپانا ساتىپ الۋعا كٶمەك كٶرسەتٸلۋٸ كەرەك. بٸراق ول اتاۋلى جەنە ۇلتتىق بانكتٸڭ ەسەبٸنەن ەمەس, رەسپۋبليكالىق بيۋدجەت ەسەبٸنەن بولۋعا تيٸس.
"ۇلتتىق بانكتٸڭ ەكونوميكانى قولداۋ بويىنشا بارلىق باعدارلامادان شىعۋىن جالعاستىرۋ دۇرىس بولادى دەپ سانايمىن. ولار جەتەۋ بولاتىن, بەسەۋٸنەن شىقتىق. ەندٸ قاراپايىم زاتتار ەكونوميكاسى جەنە "7-20-25" قالدى. بٸز ولاردان دا تەزٸرەك شىعۋدى جوسپارلاپ وتىرمىز", - دەدٸ ۇلتتىق بانك باسشىسى.
