Búgin QR Ulttyq banki 2019 jylǵy úlgidegi dizainy ózgertilgen nominaldyq quny 1, 2, 5, 10, 20, 50 jáne 100 teńgelik monetalardy ainalymǵa shyǵardy. Monetalardyń dizainyn QR Prezidenti Qasym-Jomart Toqaev 20 naýryzda maquldaǵan, dep habarlaidy "Ult aqparat".
«2018 jylǵy 29 maýsymdaǵy №162-VI QRZ «Qazaqstan Respýblikasynyń keibir konstitýtsiialyq zańdaryna ózgerister men tolyqtyrýlar engizý týraly» QR Konstitýtsiialyq Zańyna sáikes Qazaqstan Respýblikasynyń memlekettik eltańbasyna ózgeris engizildi. Oǵan sáikes memlekettik tildegi «QAZAQSTAN» degen sóz latyn grafikasynyń negizindegi álipbi paidalanyla otyryp «QAZAQSTAN» dep jazyldy. «QAZAQSTAN» degen jazýy bar memlekettik eltańbany paidalaný týraly talap 2018 jylǵy 1 qarashadan bastap qoldanysqa engizildi. QR memlekettik eltańbasy teńge monetalary dizainynyń mindetti elementi bolyp tabylatyndyqtan, Ulttyq bank 2019 jylǵy úlgidegi dizainy ózgertilgen monetalardy ainalysqa shyǵarý týraly sheshim qabyldady. Olardaǵy jazýlar latyn grafikasynyń negizindegi álipbi paidalanyla otyryp memlekettik tilde oryndalǵan», - delingen Ulttyq bank taratqan málimette.
Ainalystaǵy monetalardyń syrt jaǵynda (reversinde) «QAZAQSTAN» degen sózi bar QR memlekettik eltańbasy beinelengen. Sondai-aq shyǵarǵan eldi bildiretin «QAZAQSTAN RESPÝBLIKASY» degen jazý bar.
Ainalystaǵy monetalardyń bet jaǵynda (aversinde) monetalar nominalynyń tsifrlyq beinelenýi, sondai-aq ulttyq valiýtanyń «TEŃGE» degen ataýy men shyǵarǵan bank ataýynyń qysqartylǵan belgisi «QUB» (Qazaqstan Ulttyq Banki) bar mátindik jazýlar ornalasqan.
2019 jylǵy úlgidegi dizainy ózgertilgen nominaldyq quny 100 teńgelik ainalystaǵy monetalardyń qyrynda (gýrtynda) «JÚZ TEŃGE» degen jazý bar.
«Ainalystaǵy monetalardyń tehnikalyq jáne zattai ólshemderi: massasy, diametri, qalyńdyǵy, metall quimasy ózgerissiz saqtalǵan. Tólem terminaldaryn jáne basqa da kassany qosymsha qaita teńsheý talap etilmeidi. Eski jáne jańa úlgidegi ainalystaǵy monetalar zańdy tólem quraly bolyp tabylady jáne barlyq tólem túrleri boiynsha qabyldanýǵa mindetti!», - dep atap ótedi Ulttyq bankten.
