بٷگٸن قر ۇلتتىق بانكٸ 2019 جىلعى ٷلگٸدەگٸ ديزاينى ٶزگەرتٸلگەن نومينالدىق قۇنى 1, 2, 5, 10, 20, 50 جەنە 100 تەڭگەلٸك مونەتالاردى اينالىمعا شىعاردى. مونەتالاردىڭ ديزاينىن قر پرەزيدەنتٸ قاسىم-جومارت توقاەۆ 20 ناۋرىزدا ماقۇلداعان, دەپ حابارلايدى "ۇلت اقپارات".
«2018 جىلعى 29 ماۋسىمداعى №162-VI قرز «قازاقستان رەسپۋبليكاسىنىڭ كەيبٸر كونستيتۋتسييالىق زاڭدارىنا ٶزگەرٸستەر مەن تولىقتىرۋلار ەنگٸزۋ تۋرالى» قر كونستيتۋتسييالىق زاڭىنا سەيكەس قازاقستان رەسپۋبليكاسىنىڭ مەملەكەتتٸك ەلتاڭباسىنا ٶزگەرٸس ەنگٸزٸلدٸ. وعان سەيكەس مەملەكەتتٸك تٸلدەگٸ «قازاقستان» دەگەن سٶز لاتىن گرافيكاسىنىڭ نەگٸزٸندەگٸ ەلٸپبي پايدالانىلا وتىرىپ «QAZAQSTAN» دەپ جازىلدى. «QAZAQSTAN» دەگەن جازۋى بار مەملەكەتتٸك ەلتاڭبانى پايدالانۋ تۋرالى تالاپ 2018 جىلعى 1 قاراشادان باستاپ قولدانىسقا ەنگٸزٸلدٸ. قر مەملەكەتتٸك ەلتاڭباسى تەڭگە مونەتالارى ديزاينىنىڭ مٸندەتتٸ ەلەمەنتٸ بولىپ تابىلاتىندىقتان, ۇلتتىق بانك 2019 جىلعى ٷلگٸدەگٸ ديزاينى ٶزگەرتٸلگەن مونەتالاردى اينالىسقا شىعارۋ تۋرالى شەشٸم قابىلدادى. ولارداعى جازۋلار لاتىن گرافيكاسىنىڭ نەگٸزٸندەگٸ ەلٸپبي پايدالانىلا وتىرىپ مەملەكەتتٸك تٸلدە ورىندالعان», - دەلٸنگەن ۇلتتىق بانك تاراتقان مەلٸمەتتە.
اينالىستاعى مونەتالاردىڭ سىرت جاعىندا (رەۆەرسٸندە) «QAZAQSTAN» دەگەن سٶزٸ بار قر مەملەكەتتٸك ەلتاڭباسى بەينەلەنگەن. سونداي-اق شىعارعان ەلدٸ بٸلدٸرەتٸن «QAZAQSTAN RESPÝBLIKASY» دەگەن جازۋ بار.
اينالىستاعى مونەتالاردىڭ بەت جاعىندا (اۆەرسٸندە) مونەتالار نومينالىنىڭ تسيفرلىق بەينەلەنۋٸ, سونداي-اق ۇلتتىق ۆاليۋتانىڭ «TEŃGE» دەگەن اتاۋى مەن شىعارعان بانك اتاۋىنىڭ قىسقارتىلعان بەلگٸسٸ «QUB» (Qazaqstan Ulttyq Banki) بار مەتٸندٸك جازۋلار ورنالاسقان.
2019 جىلعى ٷلگٸدەگٸ ديزاينى ٶزگەرتٸلگەن نومينالدىق قۇنى 100 تەڭگەلٸك اينالىستاعى مونەتالاردىڭ قىرىندا (گۋرتىندا) «JÚZ TEŃGE» دەگەن جازۋ بار.
«اينالىستاعى مونەتالاردىڭ تەحنيكالىق جەنە زاتتاي ٶلشەمدەرٸ: ماسساسى, ديامەترٸ, قالىڭدىعى, مەتالل قۇيماسى ٶزگەرٸسسٸز ساقتالعان. تٶلەم تەرمينالدارىن جەنە باسقا دا كاسسانى قوسىمشا قايتا تەڭشەۋ تالاپ ەتٸلمەيدٸ. ەسكٸ جەنە جاڭا ٷلگٸدەگٸ اينالىستاعى مونەتالار زاڭدى تٶلەم قۇرالى بولىپ تابىلادى جەنە بارلىق تٶلەم تٷرلەرٸ بويىنشا قابىلدانۋعا مٸندەتتٸ!», - دەپ اتاپ ٶتەدٸ ۇلتتىق بانكتەن.
