Búgin Tarazǵa reseilik «Spýtnik - V» vaktsinasynyń alǵashqy 1000 dozasy jetkizildi, dep habarlaidy "Ult aqparat".
Eń aldymen, vaktsina eń aldymen koronavirýs juqtyrǵan adamdarmen tikelei bailanysta bolatyn meditsina qyzmetkerlerine egiletin bolady. Olardyń qatarynda infektsionist dárigerler, reanimatologtar, qabyldaý bólimi men jedel járdem, sanitarlyq-epidemiologiialyq qyzmet mamandary bar.
Búgin tańerteń Tarazdaǵy №4 qalalyq emhanaǵa alǵashqy 50 doza kelip tústi.
Vaktsinatsiia tek erikti túrde júrgiziletinin atap ótken jón.
Vaktsinany alǵashqylardyń biri bolyp oblys ákiminiń orynbasary Berik Nyǵmashev pen densaýlyq saqtaý basqarmasynyń basshysy Áset Qaliev qabyldady.
«Protsedýra aýyrsynýsyz ótti, ózimdi jaqsy sezinemin. Biz ujymdyq immýnitetti qalyptastyrý úshin vaktsinatsiialaýdan bas tartpaýymyz kerek. Ekonomikanyń damýy jáne turǵyndardyń qalypty tirshilikke tezirek oralýy úshin joldaǵy kedergilerdi eńserý kerekpiz», - dedi Berik Nyǵmashev.
Al, Áset Qalievtiń aitýynsha, 18-64 jas aralyǵyndaǵy oblys halqynyń 52 paiyzyn vaktsinatsiialaý josparlanýda.
