بٷگٸن تارازعا رەسەيلٸك «سپۋتنيك - V» ۆاكتسيناسىنىڭ العاشقى 1000 دوزاسى جەتكٸزٸلدٸ, دەپ حابارلايدى "ۇلت اقپارات".
ەڭ الدىمەن, ۆاكتسينا ەڭ الدىمەن كوروناۆيرۋس جۇقتىرعان ادامدارمەن تٸكەلەي بايلانىستا بولاتىن مەديتسينا قىزمەتكەرلەرٸنە ەگٸلەتٸن بولادى. ولاردىڭ قاتارىندا ينفەكتسيونيست دەرٸگەرلەر, رەانيماتولوگتار, قابىلداۋ بٶلٸمٸ مەن جەدەل جەردەم, سانيتارلىق-ەپيدەميولوگييالىق قىزمەت ماماندارى بار.
بٷگٸن تاڭەرتەڭ تارازداعى №4 قالالىق ەمحاناعا العاشقى 50 دوزا كەلٸپ تٷستٸ.
ۆاكتسيناتسييا تەك ەرٸكتٸ تٷردە جٷرگٸزٸلەتٸنٸن اتاپ ٶتكەن جٶن.
ۆاكتسينانى العاشقىلاردىڭ بٸرٸ بولىپ وبلىس ەكٸمٸنٸڭ ورىنباسارى بەرٸك نىعماشەۆ پەن دەنساۋلىق ساقتاۋ باسقارماسىنىڭ باسشىسى ەسەت قاليەۆ قابىلدادى.
«پروتسەدۋرا اۋىرسىنۋسىز ٶتتٸ, ٶزٸمدٸ جاقسى سەزٸنەمٸن. بٸز ۇجىمدىق يممۋنيتەتتٸ قالىپتاستىرۋ ٷشٸن ۆاكتسيناتسييالاۋدان باس تارتپاۋىمىز كەرەك. ەكونوميكانىڭ دامۋى جەنە تۇرعىنداردىڭ قالىپتى تٸرشٸلٸككە تەزٸرەك ورالۋى ٷشٸن جولداعى كەدەرگٸلەردٸ ەڭسەرۋ كەرەكپٸز», - دەدٸ بەرٸك نىعماشەۆ.
ال, ەسەت قاليەۆتٸڭ ايتۋىنشا, 18-64 جاس ارالىعىنداعى وبلىس حالقىنىڭ 52 پايىزىن ۆاكتسيناتسييالاۋ جوسپارلانۋدا.
