Jambyl oblysynda bir kúnde teplovoz men avtokólik órti tirkeldi, dep habarlaidy "Ult aqparat".
Jambyl oblysynda qazirgidei jazǵy maýsymda órt sóndirýshiler men qutqarýshylardyń jumysyna muqtaj azamattar qatary arta túsken. Ortasha eseppen kún saiyn jedel basqarý ortalyǵyna tótenshe jaǵdailar týraly 20-dan astam habarlama kelip túsýde. Bul týraly oblystyq tótenshe jaǵdailar departamentiniń baspasóz qyzmeti habarlady.
«Aitalyq, ótken táýlikterde Talas aýdanynyń №12 órt sóndirý beketiniń «101» telefonyna, Talas aýdanynyń Tabakbulaq stantsiiasyndaǵy teplovozdyń órti týraly habarlama kelip túsken. Shaqyrý ornyna órt sóndirý beketiniń kúshteri men quraldary jiberildi. Kelgen boida órt sóndirýshilerdiń kásibi is-áreketteriniń arqasynda órt bir saǵat ishinde oqshaýlandy, bir jarym saǵatta sóndirilgen. Órttiń jalpy aýdany 50 sharshy metrdi qurady. Órttiń shyǵý sebebi anyqtalýda. Qaza bolǵandar men zardap shekkender joq», - delingen habarlamada.
Sondai-aq, sol kúni Almaty-Tashkent tas jolynda kóliktiń órtengeni týraly habarlama kelip túsken. Oqiǵa ornyna Taraz qalasynyń №2 mamandandyrylǵan órt sóndirý bóliminiń kúshteri men quraldary dereý jiberilip, órtti sóndirý boiynsha barlyq qajetti sharalardy qabyldanǵan. Órt sóndirýshi-qutqarýshylardyń is-qimyldary nátijesinde tilsiz jaý oqshaýlanyp, joiylǵan. Órttiń shyǵý sebebi anyqtaý boiynsha sharalar qolǵa alynǵan desek, qaza bolǵandar men zardap shekkender tirkelmegen.
Sonymen qatar, órt sóndirýshi-qutqarýshylar kún saiyn qurǵaq shóptiń janýyn joiyp, quqyq qorǵaý organdaryna kómekke, jol-kólik oqiǵalary, sý basý , adamdardy, sondai-aq janýarlardy qutqarýǵa barady.
«Osyǵan orai Jambyl oblysy TJ departamenti oblys jáne qala turǵyndarynan órt nemese tótenshe jaǵdai týyndai qalsa, óz kúshterimen joia almaityndyǵyna kóz jetken jaǵdaida ýaqyt ótkizbei shuǵyl túrde «101» jáne «112» telefon nómirlerine qońyraý shalý qajettigin eskertedi. Sondai-aq shomylý maýsymynda sýdaǵy qaýipsizdik sharalaryn umytpaýdy jáne órt qaýipsizdigi erejelerin qatań saqtaýdy suraidy», - delingen vedomstvo habarlamasynda.
