Dariǵa Badyqovanyń burynǵy kúieýi Darhan Musaev áleýmettik jelidegi paraqshasynda dombyramen terme oryndaǵan videosyn jariialady, dep habarlaidy ult.kz.

Ol jazbasynda termeniń adamǵa oi salyp, kóńilde júrgen sezimdi jetkize alatynyn aitty.

"Terme - qazaqtyń oiǵa batyrar bir quraly. Aita almai júrgen dúnieńdi dóp basyp, júregińe jetkizedi. Keide bir aýyz terme óziń aita almaǵan talai oidy aityp beredi. Tyńdaǵan saiyn ótkenińdi saralap, búgingińe oi júgirtip, erteńińe jaýapkershilikpen qaraýǵa shaqyrady", — dep jazdy Musaev.

Alaida, el onyń qolyndaǵy dombyraǵa nazar aýdardy. Dombyrada "Dariǵa" degen jazý bar ekeni anyq kórinedi. 
Aita keteiik, Dariǵa Badyqova men Oljas Abai sábi kútken juptyń armanyn oryndaýǵa kómektesti. 

Dariǵa Badyqova kim?

Dariǵa Bolatqyzy Badyqova – qazaqstandyq aktrisa ári kinoprodiýser. Ol 1985 jylǵy 1 jeltoqsanda Jambyl oblysynyń Moiynqum aýylynda dúniege kelgen. Temirbek Júrgenov atyndaǵy Qazaq ulttyq óner akademiiasynda «Mýzykalyq drama jáne rejissýra» mamandyǵy boiynsha bilim alǵan. Eńbek jolynda Bolat Atabaevtyń «Aqsarai» mýzykalyq teatrynda óner kórsetken.

Kórermenge «Qazaqsha biznes» filmderindegi, «Gýdbai, moi bai!» jáne «Hotia by kinoda 2» komediialaryndaǵy rólderi arqyly tanyldy. Keiin prodiýserlikke bet buryp, «Taptym-aý seni» kinojobasyn qolǵa aldy. Bul filmde akter Oljas Abaimen birge basty rólderdi somdady.