Tanymal violonchelist Baǵjan Oktiabr súiiktisi bar ekenin málimdedi, dep habarlaidy ult.kz.
Óner iesi osylaisha jeke ómirine qatysty jańalyǵyn bólisti. Ol ákesi Óktem Altaev ekeýi stýdiiaǵa qonaqqa barǵan. Sol jerde telejúrgizýshiler Baǵjannan súiiktisi týraly surady.
Óktem Altaev ile-shala “Osy suraq bizdi de mazalaidy. Biz de bilmeimiz”, - dedi.
Sol sátte Baǵjan Oktiabr súiiktisi bar ekenin aitty.
Aita keteiik, Baǵjan Oktiabr Ystambul ortalyǵynda Abai Qunanbaevtyń "Kózimniń qarasy" atty týyndysyn oryndady.
Baǵjan Oktiabr kim?
Baǵjan Oktiabr – qazaqstandyq violonchelist, «Terapiia dýshi» kontserttik jobasynyń avtory. Ol klassikalyq aspapta qazaq kúilerin, tanymal ánder men kino áýenderin oryndap, kópshilikke tanyldy. Tabiǵat aiasynda túsirilgen mýzykalyq videolary onyń Qazaqstannan tys jerlerde de tyńdarman jinaýyna yqpal etti.
Mýzykant Túrkistan oblysynyń Qazyǵurt aýdanynda dúniege kelgen. Ákesi – mýzykant ári kompozitor Óktem Altaev. Baǵjan 2002 jyly otbasymen Almatyǵa kóshken. Ákesiniń óneri onyń mýzykaǵa bet burýyna áser etken.
Ol alty jasynda Almatydaǵy Ahmet Jubanov atyndaǵy daryndy balalarǵa arnalǵan mýzykalyq mektepke qabyldanǵan. Baǵjannyń aitýynsha, sol kezde violoncheldiń qandai aspap ekenin de bilmegen. Ustazdary onyń qolynyń ikemine qarap, osy aspapta oinaýǵa beiimi bar dep sheshken. Besinshi synypta Italiiadaǵy mýzykalyq baiqaýda birinshi oryn alyp, keiin Astanada oqýyn jalǵastyrýǵa shaqyrtý alǵan. Elordada kolledjdi jáne Qazaq ulttyq óner ýniversitetin támamdaǵan. Stýdent kezinde «Solister akademiiasy» simfoniialyq orkestrinde oinap, alǵashqy mýzykalyq videolaryn túsire bastaǵan.
«Terapiia dýshi» jobasynda ol klassikalyq mýzykany qazaq kúilerimen, avtorlyq týyndylarmen jáne túrik telehikaialarynyń áýenderimen ushtastyrady. Onyń shyǵarmalaryna aranjirovka jasaýǵa qaryndasy Arýjan Oktiabr de qatysady. Mýzykant Qazaqstanda jáne shetelde kontsert berip júr. 2025 jyly Forbes Kazakhstan basylymynyń «30 jasqa deiingi 30» tizimine engen.
Baǵjan balalardy mýzykaǵa baýlýǵa da kóńil bóledi. Ol jeti jasqa deiingi búldirshinderge arnalǵan «Meniń balam — Motsart» jobasyn qurǵan. Munda balalarǵa bir orynda únsiz otyrý mindettelmeidi: olar mýzyka tyńdap, erkin qozǵalyp, oinap, aspaptarmen tanysa alady. Joba 2022 jylǵy 19 aqpanda bastalǵan.
