14 qazanda Qazaqstannyń basym bóliginde jańbyr men qar jaýyp, jel kúsheiedi, tuman túsedi. Batysta shańdy daýyl kútiledi. Soltústik-batysta, ońtústikte jáne ortalyqta jaýyn-shashynsyz aýa raiy saqtalady, dep habarlaidy ult.kz.
Astanada jaýyn-shashyn bolmaidy, túnde +1…+3°C, kúndiz +14…+16°C, jel 12 m/s-qa deiin kúsheiedi. Almatyda túnde +8…+10°C, kúndiz +19…+21°C, jel 3–8 m/s bolady. Shymkentte de jaýyn-shashyn kútilmeidi: túnde +8…+10°C, kúndiz +24…+26°C, jel 8–13 m/s.
Aqmola oblysynyń soltústiginde, ońtústiginde jáne shyǵysynda, Soltústik Qazaqstan oblysynyń batysy men ońtústiginde, Qostanai oblysynyń batysy men soltústiginde túnde jáne tańerteń tuman túsedi. Soltústik Qazaqstan oblysynda kúndiz jel ekpini 15–20 m/s-qa jetedi. Pavlodar oblysynyń soltústigi men ortalyǵynda tuman kútilip, jel 18 m/s-qa deiin kúsheiedi. Qaraǵandy oblysynyń soltústigi men shyǵysynda tuman bolady, tústen keiin jel ekpini 15–20 m/s-qa jetedi. Abai oblysynyń ońtústigi men soltústiginde, Shyǵys Qazaqstan oblysynyń batysy men soltústiginde tuman kútiledi. Eki óńirde de jel ekpini 15–20 m/s bolady.
Aqtóbe oblysynyń soltústiginde tuman túsedi. Batys Qazaqstan oblysynyń ońtústigi men ortalyǵynda, Atyraý oblysynyń soltústigi men shyǵysynda, Mańǵystaý oblysynyńortalyǵynda shańdy daýyl kútiledi. Bul óńirlerde jel ekpini 15–20 m/s-qa jetedi. Almaty oblysynyń shyǵysynda jel 18 m/s-qa deiin kúsheiedi. Jambyl oblysynyń taýly aýdandarynda, Túrkistan oblysynyń batysy men taýly aýdandarynda jel 15–20 m/s bolady. Túrkistan oblysynyń taýly bóliginde tuman da kútiledi. Qyzylorda oblysynyń shyǵysynda kúndiz jel ekpini 15–20 m/s-qa jetedi.
Jetisý oblysynyń shyǵysynda joǵary órt qaýpi saqtalady. Ulytaý oblysynyń batysynda, ońtústiginde jáne ortalyǵynda tótenshe órt qaýpi kútiledi. Mundai qaýip Qyzylorda oblysynda, Aqtóbe oblysynyń batysynda, ońtústiginde jáne ortalyǵynda, Atyraý oblysynyń ońtústiginde, Qaraǵandy oblysynyń batysynda da saqtalady.
