جامبىل وبلىسىندا بٸر كٷندە تەپلوۆوز مەن اۆتوكٶلٸك ٶرتٸ تٸركەلدٸ, دەپ حابارلايدى "ۇلت اقپارات".
جامبىل وبلىسىندا قازٸرگٸدەي جازعى ماۋسىمدا ٶرت سٶندٸرۋشٸلەر مەن قۇتقارۋشىلاردىڭ جۇمىسىنا مۇقتاج ازاماتتار قاتارى ارتا تٷسكەن. ورتاشا ەسەپپەن كٷن سايىن جەدەل باسقارۋ ورتالىعىنا تٶتەنشە جاعدايلار تۋرالى 20-دان استام حابارلاما كەلٸپ تٷسۋدە. بۇل تۋرالى وبلىستىق تٶتەنشە جاعدايلار دەپارتامەنتٸنٸڭ باسپاسٶز قىزمەتٸ حابارلادى.
«ايتالىق, ٶتكەن تەۋلٸكتەردە تالاس اۋدانىنىڭ №12 ٶرت سٶندٸرۋ بەكەتٸنٸڭ «101» تەلەفونىنا, تالاس اۋدانىنىڭ تاباكبۇلاق ستانتسيياسىنداعى تەپلوۆوزدىڭ ٶرتٸ تۋرالى حابارلاما كەلٸپ تٷسكەن. شاقىرۋ ورنىنا ٶرت سٶندٸرۋ بەكەتٸنٸڭ كٷشتەرٸ مەن قۇرالدارى جٸبەرٸلدٸ. كەلگەن بويدا ٶرت سٶندٸرۋشٸلەردٸڭ كەسٸبي ٸس-ەرەكەتتەرٸنٸڭ ارقاسىندا ٶرت بٸر ساعات ٸشٸندە وقشاۋلاندى, بٸر جارىم ساعاتتا سٶندٸرٸلگەن. ٶرتتٸڭ جالپى اۋدانى 50 شارشى مەتردٸ قۇرادى. ٶرتتٸڭ شىعۋ سەبەبٸ انىقتالۋدا. قازا بولعاندار مەن زارداپ شەككەندەر جوق», - دەلٸنگەن حابارلامادا.
سونداي-اق, سول كٷنٸ الماتى-تاشكەنت تاس جولىندا كٶلٸكتٸڭ ٶرتەنگەنٸ تۋرالى حابارلاما كەلٸپ تٷسكەن. وقيعا ورنىنا تاراز قالاسىنىڭ №2 مامانداندىرىلعان ٶرت سٶندٸرۋ بٶلٸمٸنٸڭ كٷشتەرٸ مەن قۇرالدارى دەرەۋ جٸبەرٸلٸپ, ٶرتتٸ سٶندٸرۋ بويىنشا بارلىق قاجەتتٸ شارالاردى قابىلدانعان. ٶرت سٶندٸرۋشٸ-قۇتقارۋشىلاردىڭ ٸس-قيمىلدارى نەتيجەسٸندە تٸلسٸز جاۋ وقشاۋلانىپ, جويىلعان. ٶرتتٸڭ شىعۋ سەبەبٸ انىقتاۋ بويىنشا شارالار قولعا الىنعان دەسەك, قازا بولعاندار مەن زارداپ شەككەندەر تٸركەلمەگەن.
سونىمەن قاتار, ٶرت سٶندٸرۋشٸ-قۇتقارۋشىلار كٷن سايىن قۇرعاق شٶپتٸڭ جانۋىن جويىپ, قۇقىق قورعاۋ ورگاندارىنا كٶمەككە, جول-كٶلٸك وقيعالارى, سۋ باسۋ , ادامداردى, سونداي-اق جانۋارلاردى قۇتقارۋعا بارادى.
«وسىعان وراي جامبىل وبلىسى تج دەپارتامەنتٸ وبلىس جەنە قالا تۇرعىندارىنان ٶرت نەمەسە تٶتەنشە جاعداي تۋىنداي قالسا, ٶز كٷشتەرٸمەن جويا المايتىندىعىنا كٶز جەتكەن جاعدايدا ۋاقىت ٶتكٸزبەي شۇعىل تٷردە «101» جەنە «112» تەلەفون نٶمٸرلەرٸنە قوڭىراۋ شالۋ قاجەتتٸگٸن ەسكەرتەدٸ. سونداي-اق شومىلۋ ماۋسىمىندا سۋداعى قاۋٸپسٸزدٸك شارالارىن ۇمىتپاۋدى جەنە ٶرت قاۋٸپسٸزدٸگٸ ەرەجەلەرٸن قاتاڭ ساقتاۋدى سۇرايدى», - دەلٸنگەن ۆەدومستۆو حابارلاماسىندا.
