تانىمال اكتريسا داريعا بادىقوۆا ٶتكەنٸن قايتا قوزعاۋدان گٶرٸ, بٷگٸنگٸ باقىتىنا كٶڭٸل بٶلٸپ, بولاشاعىنا ٷمٸتپەن قاراۋدى تاڭداعانىن ايتتى, دەپ حابارلايدى ult.kz.

ٶنەر يەسٸ ەلەۋمەتتٸك جەلٸدەگٸ جازباسىندا ەر ادامنىڭ كٶپشٸلٸك بٸلە بەرمەيتٸن ٶز تاريحى بار ەكەنٸن جەتكٸزدٸ. الايدا ول باسىنان ٶتكەنٸن جۇرتقا جارييالاپ, سول ەستەلٸكتەرمەن ٶمٸر سٷرگٸسٸ كەلمەيتٸنٸن اتاپ ٶتتٸ.

"مەن ٶتكەن ٶمٸرٸمدٸ جارييا ەتپەسەم دە, ٶتكەنٸم تۋرالى ەن ايتپاسام دا, باسىمنان ٶتكەن تاعدىرىمدى كينوعا اينالدىرماسام دا, ٶز تاريحىم بار! مەن ٶتكەنٸممەن ٶمٸر سٷرگٸم كەلمەيدٸ. مەن تەك العا جىلجۋدى تاڭدادىم. جاقسى كٷندەردٸڭ كەلەتٸنٸنە سەندٸم. باقىتتىڭ دا, ماحابباتتىڭ دا, عاجايىپ سەتتەردٸڭ دە ماعان بۇيىراتىنىنا سەندٸم", - دەپ جازدى اكتريسا.

بادىقوۆانىڭ ايتۋىنشا, ٶمٸرٸندەگٸ قۋانىشتى كٷننٸڭ قۇرمەتٸنە ٶزٸنە ەن ارنالعان. ول بۇل تۋىندىنى ٶتكەننٸڭ مۇڭىن جەتكٸزەتٸن شىعارما ەمەس, قايتا باقىتقا سەنگەن كٶڭٸلٸنٸڭ قۋانىشى دەپ قابىلداعان.

"بۇل ەن – بٷگٸنٸمنٸڭ باقىتى. بۇل ەن – جارالانعان جٷرەكتٸڭ زارى ەمەس, قايتا باقىتقا سەنگەن جٷرەكتٸڭ جەڭٸسٸ. مەنٸڭ ٶتكەن ٶمٸرٸم جوق. مەنٸڭ تەك بٷگٸنٸم مەن كەلەشەگٸم بار! ٶيتكەنٸ مەن ٶتكەنٸمدٸ ەڭگٸمە ەتۋدٸ ەمەس, بولاشاعىمدى ەدەمٸ ەتۋدٸ تاڭداعان ەيەلمٸن. وسىنداي ەنگە راقمەت, شامپون!", – دەدٸ ول.

ايتا كەتەيٸك, داريعا بادىقوۆانىڭ بۇرىنعى كٷيەۋٸ جازبا جارييالادى.

داريعا بادىقوۆا كٸم?

داريعا بادىقوۆا – قازاقستاندىق اكتريسا ەرٸ پروديۋسەر. ول 1985 جىلعى 1 جەلتوقساندا جامبىل وبلىسىنىڭ مويىنقۇم اۋىلىندا دٷنيەگە كەلگەن. تەمٸربەك جٷرگەنوۆ اتىنداعى قازاق ۇلتتىق ٶنەر اكادەميياسىندا «مۋزىكالىق دراما جەنە رەجيسسۋرا» ماماندىعى بويىنشا بٸلٸم العان.

كٶپشٸلٸك ونى «كەلٸنجان» تەلەحيكاياسىنداعى ايسارا رٶلٸ ارقىلى تانيدى. اۋىلداعى وتباسىنىڭ تٸرشٸلٸگٸن, كەلٸندەر اراسىنداعى قارىم-قاتىناستى ەزٸلمەن جەتكٸزەتٸن بۇل جوبادا اكتريسا باستى كەيٸپكەرلەردٸڭ بٸرٸن سومدادى. كەيٸن تەلەحيكايا نەگٸزٸندە تٷسٸرٸلگەن «كەلٸنجان» تولىقمەتراجدى فيلمدەرٸنە دە قاتىستى.

بادىقوۆا اكتەرلٸكپەن قاتار كينو ٶندٸرٸسٸندە دە ەڭبەك ەتٸپ جٷر. «تاپتىم-اۋ سەنٸ» فيلمٸندە پروديۋسەر بولىپ, باستى رٶلدەردٸڭ بٸرٸن ٶزٸ وينادى. تۋىندىداعى ەكراندىق سەرٸكتەسٸ – اكتەر ولجاس اباي. اكتريسا بۇل جوبا ارقىلى كٶرەرمەنگە ايسارادان ٶزگە بەينەدە كٶرٸنۋگە ۇمتىلعانىن ايتقان.